Մեկ օրում բացահայտվել է 45 հանցագործություն. բռնաբարություն, համակարգչային հանցագործություն, սուտ մատնություն

Ըստ ոստիկանության օպերատիվ հաղորդագրությունների ամփոփագրերի` հուլիսի 31-ից օգոստոսի 1-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 45 դեպք, այդ թվում՝ 2-ը նախկինում կատարված։

Մասնավորապես՝ անձնական ունեցվածքի գողության 14, մարմնական վնասվածք հասցնելու 9, ծեծի եւ խարդախության 4-ական, պաշտոնեական լիազորությունների չարաշահման 2, բռնաբարության, յուրացման կամ վատնման, դրամանենգության, գույքի դիտավորությամբ ոչնչացման, համակարգչային հանցագործության, զենք-զինամթերքի առգրավման, սպանության սպառնալիքի, սուտ մատնության, ազատությունից ապօրինի զրկելու, բնակարանի անձեռնմխելիությունը խախտելու, թմրամիջոցի իրացման եւ մշակումն արգելված թմրանյութեր պարունակող բույսեր աճեցնելու 1-ական դեպք:

Հայտնաբերվել եւ կամավոր ներկայացել են 4-ական հետախուզվող։

Գրանցվել է զենք-զինամթերքի կամավոր հանձնման 1 դեպք։

Նախկինում կատարված հանցագործություններից բացահայտվել է անձնական ունեցվածքի գողության 2 դեպք:

Անցած 1 օրվա ընթացքում հանրապետությունում արձանագրվել է ճանապարհատրանսպորտային 14 պատահար, ինչի հետեւանքով 1 մարդ զոհվել է, 24-ը՝ ստացել տարբեր աստիճանի մարմնական վնասվածքներ: