Գլխավոր դատախազությունը շարունակում է սահմանել արդեն անհավանական նշաձողեր
Հուլիսի 26-ին ՀՀ գլխավոր դատախազության միջնորդության հիման վրա բարձրագույն դատական խորհուրդը կասեցրել է Ռոբերտ Քոչարյանի գործով դատավոր Դավիթ Գրիգորյանի լիազորությունները։
Այս լուրն արդեն գրեթե զարմանք չի առաջացնում, սակայն վերահաստատում է մի շարք իրողություններ.
• Գլխավոր դատախազությունը շարունակում է սահմանել արդեն անհավանական նշաձողեր, թե ինչպես գործել Սահմանադրությամբ վերապահված լիազորություններին տրամագծորեն հակառակ։ Իհարկե, մարդկային ու մասնագիտական արժանապատվության մասին չեմ էլ խոսում. մի բան, որ չկա ինչից խոսես։
• Պարզ է դառնում, թե ինչու էին նոր իշխանություններ ցանկանում տեսնել ԲԴԽ սեփական կազմը։ ԲԴԽ նոր կազմի ձեւավորման տարբեր դրվագները արդեն իսկ չարագուժում էին, որ այն դառնալու է իշխանության բութ գործիքը, որի հիմնական գործառույթն է լինելու իշխանություններին հաճոյանալը, ոչ թե դատավորների անկախությունը երաշխավորելը։ Արդյունքը շատ սպասեցնել չտվեց։
Հ.Գ. Դավիթ Գրիգորյանի գործը պետք է լինի ցցուն օրինակ բոլոր դատավորների համար, որ իշխանությունների պատկերացումներին չհամապատասխանող իրենց ցանկացած որոշման համար իրենք կարող են հայտնվել նույն իրավիճակում։ Սա նրանց նպատակն է, որ դուք վախենաք, ընկրկեք։
Դիմում եմ արժանապատվություն ունեցող բոլոր դատավորներին (այդպիսիք կան ու քիչ չեն) համախմբվեք, մի վախեցեք, կանգնեք ձեր գործընկերոջ կողքին՝ անկախ նրանից, թե անձամբ իրեն ինչպես եք վերաբերվում, ցույց տվեք, որ այնպիսին չեք, ինչպես ձեզ բնութագրում է Փաշինյանը։ Վստահ եմ, որ չեք ցանկանա, որ ոչ հեռավոր ապագայում ձեզ հետ հենց այսպես վարվեն ինչպես այս, այնպես էլ հաջորդ իշխանությունը։
Դե իսկ գլխավոր դատախազին, նրա պաշտոնակատարին, ԲԴԽ ղեկավարին ու վերաբերելի անդամներին մի մաղթանք ունեմ՝ երբ լինեք մեղադրյալի աթոռին, ձեզ դատողը՝ ձեր նման լինի։
Ես եւս հայտնել եմ իմ պատրաստակամությունը որպես փաստաբան ստանձնել Դավիթ Գրիգորյանի պաշտպանությունը։
Արփինե Հովհաննիսյանի ֆեյսբուքյան էջից
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է