Գարեթ Բեյլը 3 տարվա պայմանագիր կկնքի չինական ակումբի հետ (տեսանյութ)

Armsport-ը գրում է.

Ուելսի հավաքականի կիսապաշտպան Գարեթ Բեյլը ժամանել է Չինաստան: Տեսանյութն այս գիշեր հայտնվել է սոցիալական ցանցերում:

30-ամյա ֆուտբոլիստը «Ցզյանսու Սունինի» հետ կկնքի 3 տարվա պայմամագիր: Կողմերի միջև հիմնական համաձայնությունը ձեռք է բերվել, մնացել է հստակեցնել պայմանագրի որոշ մանրամասներ: Չինաստանում Բեյլը տարեկան 22 մլն եվրո կվաստակի:

Բեյլը Մադրիդի «Ռեալում» հանդես է գալիս 2013 թվականից: Ավարտված մրցաշրջանում կիսապաշտպանը մասնակցել է 42 հանդիպման ու դարձել 14 գոլի հեղինակ:

«Ցզյանսու Սունինի» Չինաստանի Սուպերլիգայում զբաղեցնում է 6-րդ հորիզոնականը: Ավելի վաղ ակումբի կազմը համալրել էր բրազիլացի պաշտպան Ժոաու Միրանդան:

Բաժանորդագրվեք Top-News.am-ին Telegram-ում