Երիտասարդ երկրպագուն Ռոնալդուի հետ «Յուվենտուս»-ի խաղը դիտել է պահեստայինների նստարանից (տեսանյութ)

Չեմպիոնների միջազգային գավաթի խաղարկության շրջանակներում «Յուվենտուս»-ը Սինգապուրում ուժերը չափել է «Տոտենհեմ»-ի հետ:

Խաղի ընթացքում երիտասարդ երկրպագուն ներխուժել է խաղադաշտ և մոտեցել Կրիշտիանու Ռոնալդուին: Պորտուգալացի ֆուտբոլիստը լուսանկարվել է երկրպագուի հետ և նրան հրավիրել խաղը իր հետ պահեստայինների նստարանից հետևելու:

Նշենք, որ թուրինյան թիմը պարտվել է 2:3 հաշվով: Ռոնալդուն այդ խաղում դարձել է գոլի հեղինակ և փոխարինվել է 63-րդ րոպեին:

Բաժանորդագրվեք Top-News.am-ին Telegram-ում