Մալայզիայի նախկին թագավորը ամուսնալուծվել է միս Մոսկվայից
Մալայզիայի նախկին թագավոր Մուհամադ V-ը, որը 2018 թվականի վերջին հրաժարվել էր գահից, ամուսնալուծվել է ռուս Օքսանա Վոեւոդինայից՝ «Միս Մոսկվա 2015» գեղեցկության մրցույթի հաղթողից, հաղորդում է տեղական New Straits Times-ը՝ վկայակոչելով աղբյուրներին:
Հրատարակության զրուցակիցները նշել են, որ ամուսնալուծության մասին փաստաթղթերը հունիսի 22-ին ներկայացվել են Սինգապուրի դատարան, ձեւակերպման ընթացակարգը ավարտվել է հուլիսի 1-ին: Բացի այդ աղբյուրները թերթին հաստատել են ամուսնալուծության վկայականի իսկությունը, որը հայտնվել է տեղական սոցցանցերում, հաղորդում է «ՌԻԱ Նովոստին»:
Հրատարակությունը չի նշում հարաբերությունների խզման պատճառը , սակայն հայտնում է, որ եթե հավատանք փաստաթղթին, կողմերը ձեւակերպել են իսլամի ամենախիստ ամուսնալուծություններից մեկը՝ այսպես կոչված չչեղարկվող ամուսնալուծություն: Դրա համաձայն՝ զույգը չի կարող նորից ամուսնանալ, միայն եթե կինն ամուսնանա այլ տղամարդու հետ եւ նա իր կամքով չբաժանվի նրանից կամ չմահանա:
Մալայզիայի նախկին թագավորի ամուսնալուծության մասին պաշտոնական տեղեկատվություն չի հաղորդվել:
Բացի այդ աղբյուրները թերթին հայտնել են, որ թագավորական ընտանիքը մտահոգված է եղել Instagram-ում Վոեւոդիանի գրառումից, որում նա նշել է, որ իր որդին Մալայզիայի ապագա թագավորն է:
Աշխատող ծնողների համար սահմանվում է «ծնողական ժամ»
Մինիոնները վերադառնում են
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...
ԲՀԿ-ն դիմել է ՍԴ՝ վիճարկելու ընտրությունների արդյունքները