ՀՀ կառավարությունը պատգամավորների հետ միասին ցանկանում է խստացնել պատասխանատվությունը ապօրինի ծառահատման համար

Օրինագծերի առաջարկված փաթեթով նախատեսվում է խստացնել պատասխանատվությունն ապօրինի ծառահատումների եւ ծառերի տեղափոխման համար։ Այս մասին Տարածքային կառավարման, տեղական ինքնակառավարման, գյուղատնտեսության եւ բնության պահպանության խորհրդարանական մշտական հանձնաժողովի նիստում, Քրեական օրենսգրքում եւ հարակից օրենքներում փոփոխություններ մտցնելու մասին օրինագծերի փաթեթի քննարկման ընթացքում, հուլիսի 8-ին ասաց Հայաստանի շրջակա միջավայրի նախարարության իրավաբանական բաժնի ղեկավար Խաչատրյանը։

Նրա խոսքով՝ առաջարկվում է խստացնել պատասխանատվությունն ինչպես սովորական ծառերի ու թփերի, այնպես էլ առհասարակ հատման ոչ ենթակա ծառերի ապօրինի ծառահատման եւ տեղափոխման համար։

Բացի այդ, ինչպես նշեց Խաչատրյանը, օրինագծերի այս փաթեթով առաջարկվում է խստացնել այն տարածքներում բուսականությունը վնասելու համար, որոնք, հանդիսանում են ինչպես համայնքների, այնպես էլ պետության կամ մասնավոր անձանց սեփականությունը։

«Նման հանցագործությունների համար քաղաքացին կարող է պատժվել տուգանքով՝ նվազագույն աշխատավարձի 500-ից մինչեւ 1000-ապատիկի չափով, կամ որոշակի պաշտոններ զբաղեցնելուց զրկվելով, կամ 2-5 տարի ժամկետով որոշակի գործունեությամբ զբաղվելուց, կամ մինչեւ երեք ամիս ազատազրկմամբ, կամ մինչեւ երկու տարի ժամկետով ազատազրկմամբ»,- պարզաբանել է պաշտոնյան։

Խաչատրյանն ավելացրել է, որ այս հանցագործությունների կատարման դեպքում՝ պաշտոնեական լիազորությունների չարաշահման, հանրապետության էկոհամակարգին զգալի վնաս հասցնելու, հատկապես Հայաստանի Կարմիր գրքում տեղ գտած՝ կենդանական եւ բուսական միջավայրի որոշակի տեսակներին վնաս հասցնելու նպատակով, եւ դրանից որոշակի շահ ստանալու ցանկության հաշվառմամբ, կարող են կիրառվել ավելի խիստ միջոցներ։

«Այս դեպքում կարգախախտները կարող են պատժվել նվազագույն աշխատավարձի 1000-2000-ապատիկի չափով, կամ որոշակի պաշտոններ զբաղեցնելու իրավունքից զրկվելով, կամ հինգից յոթ տարի որոշակի գործունեություն վարելու իրավունքից, կամ ազատազրկմամբ մինչեւ երեք ամիս ժամկետով, կամ ազատազրկմամբ երկուսից հինգ տարի ժամկետով»,- ընդգծել է իրավաբանական բաժնի ղեկավարը։

Միեւնույն ժամանակ, նա նշել է, որ կարգախախտները, այս հանցագործությունները կատարելու դեպքում, կարող են առհասարակ զրկվել որոշակի պաշտոններ զբաղեցնելու իրավունքից։

Ըստ Խաչատրյանի՝ առանձնակի խոշոր չափերի վնաս պատճառելու դեպքում կարգախախտին կարող է սպառնալ երկարատեւ ազատազրկում։ Նա կարող է ճաղերի հետեւում հայտնվել երեքից-ութ տարի ժամկետով։

Պաշտոնյան ավելացրել է, որ վարչական եւ քրեական հետապնդման կարող են ենթարկվել նաեւ այն քաղաքացիները, որոնք ոչնչացրել կամ վնասել են տնկարանները, ինչպես նաեւ անտառային հանդերում ներառված ծառերը կրակի, պայթուցիկի եւ այլնի հետ անզգույշ վարվելու հետեւանքով։

Բավական երկարատեւ քննարկումից հետո օրինագիծն ստացավ խորհրդարանական հանձնաժողովի միաձայն դրական եզրակացությունը։