ԱՄՆ-ում աճուրդի է հանվել առանձնատունը, որտեղ 80 տարի առաջ նկարահանվել է «Քամուց քշվածները» հայտնի ֆիլմը (լուսանկարներ)

ԱՄՆ Ջորջա նահանգում աճուրդի է հանվել առանձնատունը, որտեղ 1939թ.-ին նկարահանվել է «Քամուց քշվածները» (Gone with the Wind) հայտնի ֆիլմը: Այս մասին հաղորդում է Fox News հեռուստաալիքը: Աճուրդը բաց կլինի հուլիսի 4-ից և կավարտվի հուլիսի 25-ին: Մեկնարկային գինը 1 մլն դոլար է:

Շուրջ 930 քառակուսի մետր տարածք ունեցող առանձնատունը բաղկացած է 12 ննջասենյակից և 12 լոգասենյակից, լողավազանից, 12 հեռակառավարվող բուխարիներից, հյուրասենյակից, ճաշասենյակից, հսկայական խոհանոցից և 4 մեքենա տեղավորող ավտոտնակից:

Հաղորդվում է, Մարգարետ Միթչելը, որի համանուն վեպի հիման վրա է նկարվել «Քամուց քշվածները» ֆիլմը, առանձնատան լուսանկարները տեսել է Atlanta ամսագրում և հայտնել ֆիլմի պրոդյուսեր Դևիդ Սելզնիքին, որ այն համապատասխան է վեպի հերոս Էշլի Ուիլքիի տան համար:

Առանձնատունը կառուցվել է 1836թ.-ին: 2017թ.-ին այն 2 մլն դոլար արժողությամբ վերանորոգման է ենթարկվել:

Համանուն վեպի սյուժեով նակարահանված ֆիլմի գործողությունները տեղի են ունենում Ջորջիա նահանգի Քլեյտոնի շրջանում և Ատլանտա քաղաքում՝ Ամերիկայի քաղաքացիական պատերազմի և վերակառուցման դարաշրջանի ընթացքում: Այն նկարագրում է պլանտացիաների հարուստ սեփականատիրոջ աղջկա՝ Սկարլետ Օ'Հարայի՝ ունեցվածքի սեփականատեր դառնալու համար մղած պայքարը: