Օգտատերերին ցնցել է ծննդաբերությունից հետո նիհարած Մեգան Մարքլի արտաքինը

Սասեքսի դքսուհու արտաքին տեսքը հիացրել է սոցիալական ցանցերի օգտատերերին։ Մեգան Մարքլի ու նրա ամուսնու՝ արքայազն Հարրիի լուսանկարները հրապարակել են նրանց Instagram-յան պաշտոնական էջում։

Սասեքսի դուքսն ու դքսուհին դիտել են «New York Yankees» եւ «Boston Red Sox» թիմերի միջեւ բեյսբոլային հանդիպումը։ Թագավորական զույգի երկրպագուներին հիացրել է այն հանգամանքը, որ Մեգան Մարքլը ծննդաբերությունից երկու ամիս անց վերականգնել է իդեալական կազմվածքը։

 «Ինձ բացատրեք՝ ինչպես Արչիի 37-ամյա մայրը 22 տարեկանի տեսք ունի»,- զարմացել է օգտատերերից մեկը։ «Մեգանն, իսկապես, գեղեցիկ է ու երջանիկ տեսք ունի։ Ես չեմ կարողանում պատկերացնել, որ հնարավոր է այդքան լավ տեսք ունենալ եւ հանրությանը ներկայանալ ծննդաբերությունից երկու ամիս անց»,- գրել է մեկ այլ օգտատեր։ Մյուսները նշել են, որ Մեգանը հյուծվածք տեսք չունի, իսկ նրա կազմվածքը շատ բնական է։

 Մայիսին երկրպագուներին զարմացրել էր Սասեքսի դքսուհու արտաքին տեսքը տեսանյութում, որում նա պատկերված էր ամուսնու ու նորածին որդու հետ։ Մեգանը կրում էր բրիտանացի դիզայներ Գրեյս Ուոլես Բոների սպիտակ զգեստը, որը զարդարված էր գոտիուվ ու ընդծում էր գոտկատեղը։ Երկրպագուներին զարմացրել է դքսուհու համարձակությունը, որն այդպիսի զգեստ էր կրում ծննդաբերությունից հետո՝ անկախ մեծացած որովայնից։

Մայիսի 6-ին լույս աշխարհ է եկել արքայազն Հարրիի եւ Մեգան Մարքլի առաջնեկը։ Երեխային տվել են Արչի Հարիսոն Մանունթբաթեն-Վինձոր անունը։