Թրամփն աշխատանքից ազատել է ԱՄՆ գլխավոր դատախազի պաշտոնակատարին՝ իր հրամանը կատարելուց հրաժարվելու համար
ԱՄՆ նախագահ Դոնալդ Թրամփն աշխատանքից ազատել է գլխավոր դատախազի պաշտոնակատար՝ արդարադատության նախարար Սալի Յեյթսին, որը հրաժարվել է կատարել ներգաղթային քաղաքականության մասին նրա հրամանը։ Այդ մասին հայտնում է «ՌԻԱ Նովոստի» գործակալությունը՝ Սպիտակ տանը հղումով։
Գերատեսչությունը ղեկավարելու է Վիրջինիա նահանգի արևելյան շրջանի շրջանային դատախազ Դանա Բրոենտեն։
«Գլխավոր դատախազի պաշտոնակատար Սալի Յեյթսը դավաճանել է Արդարադատության նախարարությանը՝ հրաժարվելով ի կատար ածել օրինական հրամանը, որն ուղղված է Միացյալ Նահանգների քաղաքացիների պաշտպանությանը»,- ասված է Սպիտակ տան հայտարարությունում։
«Ժամանակն է լուրջ մոտենալ մեր երկրի պաշտպանությանը։ Յոթ վտանգավոր վայրերից ժամանող մարդկանց ավելի խիստ ընտրություն անելու կոչը ծայրահեղ քայլ չէ»,- հավելել են Թրամփի վարչակազմում։
Ավելի վաղ ԱՄՆ գլխավոր դատախազի պաշտոնակատարը հրահանգել է Արդարադատության նախարարության փաստաբաններին դատարանում չպաշտպանել իմիգրացիայի վերաբերյալ Թրամփի հրամանը։
«Ինձ դեռ չեն համոզել, որ գործադիր հրամանն օրինական է»,- գրել է Յեյթսը նախարարության պաշտոնյաներին ուղղված հուշագրում։
Հիշեցնենք, որ Թրամփի հրամանագրով դադարեցվում է փախստականների ընդունումը Սիրիայից՝ անորոշ ժամկետով, այլ պետություններից՝ 120 օրով։ 90 օրով արգելվում է նաև «լուրջ մտահոգություն» առաջացնող երկրների քաղաքացիների մուտքը։ ԶԼՄ-ների տվյալներով՝ խոսքը Սիրիայի, Իրանի, Իրաքի, Լիբիայի, Սոմալիի, Սուդանի և Եմենի մասին է։
Մահացել է ՀՀ վաստակավոր արտիստ Արտաշես Ալեքսանյանը
Կասեցվել է Վանաձորի գազալցակայաններից մեկի հեղուկ գազի վաճառքը
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
Ուկրաինան հարվածել է Ռուսաստանի վերջին խոշոր նավթավերամշակման գործարանին
«Ուժեղ Հայաստան»-ը կվերցնի մանդատները և կգնա Ազգային ժողով
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
Դոնալդ Թրամփը հատուկ դեր է խաղացել Ադրբեջանի և Հայաստանի միջև խաղաղության օրակարգն առաջ մղելու գործո...
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստան...
Կարծում եմ, որ այս հակամարտությունը կարող է լուծվել. Թրամփ