Իրանում ԱՄՆ-ի պատժամիջոցների պատճառով ռեկորդային գնաճ է արձանագրվել

Իրանը Միացյալ Նահանգների սահմանած պատժամիջոցների հետևանքով երկրում կտրուկ արագացել են գնաճի տեմպերը, հայտնում է rosbalt.ru-ն՝ մանրամասնելով, որ պատժամիջոցները կիսով չափ կրճատել են նավթի վաճառքից ստացվող եկամուտների չափը:

Ըստ TradingEconomics-ի տվյալների՝ ապրիլին Իրանում սպառողական գներն աճել են 51,4%-ով՝ համեմատած նախորդ տարվա ապրիլի ցուցանիշների հետ: Բացի այդ մարտ ամսվա հետ համեմատ՝ գնաճն արագացել է 3,9%-ով և ռեկորդային է դարձել 1995թ. դեկտեմբերից ի վեր:

Ամենից շատ թանկացել է սննդամթերքը՝ 84%, մինչդեռ հագուստի, կոշկեղենի և տրանսպորտային ծառայությունների գներն ավելացել են կիսով չափ:

Իրանի ազգային արժույթը՝ ռիալը, չորս ամսվա ընթացքում «սև շուկայում» արժեզրկվել է 17%-ով և շարունակում է անկում ապրել նավթի արտահանման ծավալների կրճատման ֆոնին:

Այսպես՝ ապրիլին Իրանն օրական 1 մլն բարելից էլ քիչ նավթ է արտահանել, մինչդեռ նախորդ տարվա նույն ամսին երկիրն արտահանել էր 2,3 մլն բարել: Սրա հետևանքով Իրանը կրել է 10 մլրդ դոլարի վնաս:

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում