Ելիսեյան պալատում Էմանուել Մակրոնն ընդունել է Վլադիմիր Զելենսկուն, Պորոշենկոն նույնպես ժամանել է Փարիզ (տեսանյութ)

Ուկրաինայի նախագահի թեկնածու Վլադիմիր Զելենսկին հայտարարել է, որ Ֆրանսիայի առաջնորդ Էմանուել Մակրոնի հետ հանդիպմանը քննարկել է ուկրաինացիների համար կարևոր հարցեր, մասնավորապես՝ Դոնբասի հակամարտությանը վերջ դնելու հարցը:

Այս մասին հայտնում է РИА Новости-ն՝ ընդգծելով, որ Մակրոնը Զելենսկուն ընդունել է իր նստավայրում՝ Ելիսեյան պալատում:

«Շատ ջերմ, հինանալի մթնոլորտ էր: Հանդիպումը շատ կառուցողական էր: Ես իմ առաջ իսկապես տեսա միավորված Եվրոպայի առաջնորդի: Մենք քննարկել են ուկրաինական համայնքի և Ուկրաինայի համար կարևորագույն հարցեր: Խոսել ենք գլխավորի՝ Դոնբասի պատերազմին վերջ դնելու մասին», - Զելենսկուն մեջբերում է ուկրաինական աղբյուրը:

РИА Новости-ի փոխանցմամբ՝ Ուկրաինայի նախագահ Պյոտր Պորոշենկոն նույնպես ժամանել է Փարիզ՝ հանդիպելու ֆրանսիացի պաշտոնակցի հետ:

Հիշեցնենք, որ Ուկրաինայի նախագահական ընտրությունների առաջին փուլն անցկացվել է մարտի 31-ին, որի արդյունքներով առաջին երկու տեղն են զբաղեցրել Զելենսկին և Պորոշենկոն, սակայն նրանցից ոչ ոք չի հաղթահարել անհրաժեշտ 50 տոկոսի շեմը: Երկրի ղեկավարի համար պայքարի երկրորդ փուլը կկայանա ապրիլի 21-ին:

Այս թեմայով Դմիտրի Մեդվեդեւը՝ Ուկրաինայի նորընտիր նախագահի մասին Հայտնի է` երբ տեղի կունենա Զելենսկու երդմնակալությունը «Ուկրաինան վերափոխվելու ևս մեկ հնարավորություն ստացավ». Տիմոշենկո Կրեմլը հրաժարվել է շնորհավորել Զելենսկիին հաղթանակի կապակցությամբ Ուկրաինայի նախագահական ընտրություններում հաղթած Զելենսկիի առաջին 7 խոստումները. (տեսանյութ)