Թեհրանը զգուշացրել է ԱՄՆ-ին ԻՀՊԿ-ն ահաբեկչական կազմակերպություն ճանաչելու հետեւանքների մասին

Իրանի ԱԳՆ ղեկավար Ջավադ Զարիֆը նախազգուշացրել է ԱՄՆ-ին ԻՀՊԿ-ն ահաբեկչական կազմակերպություն ճանաչելու բացասական հետեւանքների մասին, եթե Վաշինգտոնը Իսլամական հեղափոխության պահապանների կորպուսը (ԻՀՊԿ, Իրանի զինված ուժերի մի մասը) մտցնի ահաբեկչական կազմակերպությունների ցուցակում, տեղեկացնում է ՌԻԱ «Նովոստի»-ն։

«Իսրայելի վարչապետ Բենիամին Նեթանյահուի կողմնակիցները, որոնք վաղուց հանդես են գալիս ԻՀՊԿ-ն օտարերկրյա ահաբեկչական կազմակերպություն ճանաչելու օգտին, լիովին գիտակցում են նման որոշման հետեւանքները տարածաշրջանում ԱՄՆ-ի համար։ Նրանք փորձում են ԱՄՆ-ը ներքաշել անդունդը»,- գրել է Զարիֆն իր Twitter-ի էջում։

Նրա խոսքով՝ ԱՄՆ նախագահ Դոնալդ Թրամփը պետք է դիմակայի ԱՄՆ-ը «հերթական աղետի» մեջ ներքաշելու փորձերին։

Ավելի վաղ Wall Street Journal թերթը, հղում կատարելով ամերիկյան պաշտոնյաներին, տեղեկացրել էր, որ ԱՄՆ նախագահ Դոնալդ Թրամփի աշխատակազմը պատրաստվում է ԻՀՊԿ-ն մտցնել ահաբեկչական կազմակերպությունների ցուցակում։ Իրանի խորհրդարանի ազգային անվտանգության եւ արտաքին քաղաքականության կոմիտեի նախագահ Խիմշաթուլա Ֆալահաթփիշեն ավելի ուշ հայտարարել էր, որ ի պատասխան՝ Իրանը կարող է ԱՄՆ զինված ուժերը մտցնել իր ահաբեկչական «սեւ ցուցակ», որտեղ արդեն գտնվում է «Իսլամական պետությունը»։

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում