Պորոշենկոն իր մրցակից Զելենսկուն ապրիլի 14-ին հրավիրել է նախընտրական դեբատների

Ուկրաինայի նախագահ Պյոտր Պորոշենկոն հայտարարել է, որ ապրիլի 14-ին Կիևի «Օլիմպիյսկի» մարզադաշտում սպասում է նախագահի թեկնածու Վլադիմիր Զելենսկուն՝ նախընտրական դեբատներ անցկացնելու համար: Ինչպես նշում է РИА Новости-ն, նա հրավիրել է նաև հանդիսատեսին և բոլոր հեռուստաալիքներին:

«Մարզադաշտը լավագույն վայրը չէ այս քննարկումն իրականացնելու համար, սակայն մարզադաշտը մարզադաշտ է: Ցանկանում եմ նշել, որ ապրիլի 14-ին սպասում եմ Զելենսկուն այնտեղ, որտեղ նա ինքն է առաջարկել: Կարծում եմ 19:00-20:00-ն հարմար ժամ կլինի», - աղբյուրը մեջբերում է Պորոշենկոյին:

Հիշեցնենք, որ Ուկրաինայի ԿԸՀ-ն այսօր հրապարակել է մարտի 31-ին տեղի ունեցած ընտրությունների առաջին փուլի պաշտոնական տվյալները՝ հաստատելով, որ երկրորդ փուլը կանցկացվի ապրիլի 21-ին: Առաջին փուլի արդյունքում առաջատարն է Վլադիմիր Զելենսկին, որին հաջորդում է Պորոշենկոն:

Այս թեմայով Դմիտրի Մեդվեդեւը՝ Ուկրաինայի նորընտիր նախագահի մասին Հայտնի է` երբ տեղի կունենա Զելենսկու երդմնակալությունը «Ուկրաինան վերափոխվելու ևս մեկ հնարավորություն ստացավ». Տիմոշենկո Կրեմլը հրաժարվել է շնորհավորել Զելենսկիին հաղթանակի կապակցությամբ Ուկրաինայի նախագահական ընտրություններում հաղթած Զելենսկիի առաջին 7 խոստումները. (տեսանյութ)