Բորիս Ջոնսոնի քույրն ի նշան «Բրեքզիթ»-ի դեմ բողոքի մերկացել է հեռուստահաղորդման ժամանակ (տեսանյութ)

Լոնդոնի նախկին քաղաքապետ, Մեծ Բրիտանիայի նախկին արտգործնախարար Բորիս Ջոնսոնի քույրը՝ Ռեյչել Ջոնսոնը, մերկացել է Sky TV հեռուստաալիքի եթերում, որի ընթացքում քննարկվել է Միացյալ Թագավորության՝ Եվրամիության կազմից դուրս գալու՝ «Բրեքզիթ»-ի հարցը:

Ինչպես նշում է mediaite.com-ը, պաշտոնյայի քույրը դա արել է ի նշան «Բրեքզիթ»-ի դեմ բողոքի:

Հատկանշական է, որ տիկնոջ եղբայրը «Բրեքզիթ»-ի ամենաակտիվ կողմնակիցներից է:

Ռեյչել Ջոնսոնը ԵՄ կազմից դուրս գալու դեմ մեծ արշավ է նախաձեռնել ու փորձում է ամեն գնով թույլ չտալ Լոնդոնի առանձնացումը Բրյուսելից:

«Որքանով տեղյակ եմ՝ այս օրերին «Բրեքզիթ»-ի վերաբերյալ զրույցներում դժվար է ձայնդ լսելի դարձնել ուրիշների համար: Հիմա որոշել եմ այնպես անել, որ ամեն անգամ «Բրեքզիթ»-ի մասին խոսելիս հայտնվեմ ուշադրության կենտրոնում»,-ասել է կինն ու հանել վերնաշապիկը:

Դա առաջացրել է ոչ միայն դահլիճում ներկաների, այլև նրա հետ մեկ սեղանի շուրջ նստած փորձագետների բուռն արձագանքը:

Ավելի ուշ կինը խոստովանել է, որ կրծքերն ի ցույց չի դրել և որ դրանք փակ են եղել: