Ջեֆ Բեզոսի սիրուհին նրա ինտիմ սելֆիներն արտահոսքից առաջ ցույց է տվել ընկերուհիներին

Ամերիկյան Amazon ընկերության ղեկավար Ջեֆ Բեզոսի սիրուհի Լորա Սանչեսը խոստովանել է, որ նախքան National Enquirer պարբերականի հետ կապված սկանդալը Բեզոսի մերկ լուսանկարների շուրջ, դրանցից մի քանիսով կիսվել է ընկերուհիների հետ:

Այս մասին հայտնում է Fox News հեռուստաալիքը՝ վկայակոչելով զույգին մոտ կանգնած աղբյուրին՝ շեշտելով, որ այս բացահայտումն անորոշություն է ստեղծում այն հարցում, թե ով է մեղավոր ԶԼՄ-ներում տեղեկության արտահոսքի համար: Ավելի վաղ հաղորդվում էր, որ Բեզոսի հրապարակված ինտիմ սելֆիները պարբերականին փոխանցել է սիրուհու եղբայրը՝ Մայքլ Սանչեսը:

Բացի դրանից, նշվում է, որ Լորան իր համակարգչի պարունակությունը տեղափոխել է իր օգնականի համակարգչի մեջ:

Աղբյուրը հայտնում է նաև, որ Բեզոսի մասնավոր քննիչները, որոնք հետաքննություն են վարում սկանդալից հետո, գիտեն, որ Լորան կիսվել է լուսանկարներով և հաղորդագրություններով: