«Ռեալը» մրցակցի դաշտում վստահ հաղթանակ տարավ «Ատլետիկոյի» նկատմամբ

Ֆուտբոլի Իսպանիայի առաջնություն՝ Լա Լիգայի 23-րդ տուրում կայացավ մադրիդյան դերբին: «Ատլետիկոն» ընդունել էր «Ռեալին»: Հանդիպումն ընթացավ «Ռեալի» բացահայտ առավելությամբ եւ ավարտվեց 3:1 հաշվով:

Խաղի հաշիվը բացվեց 16-րդ րոպեին: Ռամոսի փոխանցումից հետո գեղեցիկ գոլի հեղինակ դարձավ Կազեմիրոն:

Տասը րոպե անց տանտերերը հավասարեցրին հաշիվը: 25-րդ րոպեին Անխել Կորեան խաղի կանոնյները խախտելով գնդակը խլեց Ժունիորից, բայց մրցավարները չնկատեցին այդ դրվագը, որից հետո Անտուան Գրիզմանը մեն-մենակ մնաց Կուրտուայի դեմ եւ հաշիվը դարձրեց 1:1: 

Առաջին խաղակեսի ավարտին մոտ «Ռեալի» հարձակվող Ժունիորի նկատմամբ խախտումից հետո հանդիպման մրցավար Խավիեր Էստրադա Ֆերնանդեսը VAR-ի օգնությամբ նշանակեց 11 մետրանոց, որն էլ անվրեպ իրացրեց Սերխիո Ռամոսը:

74-րդ րոպեին հանդիպման վերջնական հաշիվը 3:1 դաձրեց Բեյլը, ավարտջելով Բենզեմայի եւ Մոդրիչի սկսած գրոհը: 

Այս հաղթանակից հետո «Ռեալը» 45 միավորով զբաղեցրեց մրցաշարային աղյուսակի 2-րդ հորիզոնականը եւ «Բարսելոնայից» հետ է մնում հինգ միավորով: