Ռուսաստանում ուզում են Ձմեռ պապին «պաշտպանել» Սանտա Կլաուսից

Ռուսաստանում չպետք է թույլ տալ, որ Ձմեռ պապը վերածվի Սանտա Կլաուսի, ինչպես դա Արեւմուտքի ազդեցությամբ տեղի է ունենում Ուկրաինայում։ Այս մասին հայտարարել է Դաշնային խորհրդի պետական ինքնիշխանության պաշտպանության հարցերով հանձնաժողովի նախագահ Անդրեյ Կլիմովը՝ տեղեկացնումէ Ինտերֆաքսը։

«Այդ ամենին պետք է ուշադիր հետեւել եւ նայել, որ մեզ մոտ նման բան տեղի չունենա այն պատրվակով, որ մեզ մոտ ազատություն է»,- ասել է նա։

Նա նշել է, որ Ուկրաինայում նկատվող այդպիսի միտումների մասին իրեն պատմել են այնտեղ ապրող ծանոթները, որոնց հետ ինքը պահպանում է լավ հարաբերությունները։ Նրանք ասել են, որ Կիեւում դեռեւս ոչ, սակայն մարզերում Ձմեռ պապ չկա․ «Այնտեղ ֆինանսավորում են միայն այն «հանդեսները», որոնցում Սանտա Կլաուսներ են։