ԱՄՆ-ը ավարտել է իրաք-սիրիական սահմանի վրա ռազմակայանի շինարարությունը

Միացյալ Նահանգներն ավարտել են ռազմաբազայի կառուցումը Իրաքի եւ Սիրիայի սահմանի մոտակայքում գտնվող իրաքյան Անբար նահանգի արևմուտքում: Այս մասին, տեղական իշխանություններին հղում անելով, հաղորդում է Akhbar Al Iraq լրատվական պորտալը։

«ԱՄՆ-ի զինծառայողները ռազմաբազա են կառուցել Մալիխի շրջանում՝ Իրաք-Սիրիա սահմանին տեղակայված Ալ-Քաիմ քաղաքի մոտ», - պորտալը մեջ է բերում բարձրաստիճան զինվորական Ահմեդ Ալ-Մահալավիի խոսքերը: «Բազան տեղակայվել է Սիրիայի հետ սահմանը վերահսկելու համար և ապահովելու անհրաժեշտ պաշտպանություն՝ այդ տարածքում տեղակայված ԱՄՆ զորքերի համար»:

Ավելի վաղ հայտնի էր դարձել, որ Իրաքի Ներկայացուցիչների պալատը (խորհրդարանը) զբաղվում է օրինագծի նախապատրաստմամբ, որը կպարտավորեցնի բոլոր օտարերկրյա ուժերին 2019 թվականի կեսերին թողնել երկիրը:

Արաբական ԶԼՄ-ների տվյալներով, Իրաքում տեղակայված ամերիկյան զինծառայողների ընդհանուր թիվը կազմում է 5,5 հազար մարդ: Նրանք տեղակայված են Բաղդադում (Ալ-Թաջիի եւ Վիկտորիի ռազմաբազաները), արևմտյան Անբար նահանգում (Աքին ալ Ասադ եւ Ալ-Հաբանիա), Նայնավի հյուսիսում (Ալ Քայարան՝ Քիրքուքի Ռինջ ռազմաբազայում և Բալյադ ալ-Ջավիան՝ Սալահ ալ-Դինում), ինչպես նաև բանակային համալիր է գտնվում Էրբիլում՝ քրդական ինքնավարության վարչական մայրաքաղաքում, հաղորդում է ТАСС-ը:

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Հալեպի նահանգային իշխանություններն այցել են ՀՀ գլխավոր հյուպատոսություն