Քաղաքական գործիչների արձագանքը Ջրառատի բախումների մասին

Երեկ՝ մարտի 14-ին Արմավիրի մարզի Ջրառատ գյուղում Հանրապետկան կուսակցության տեղական կառույցի ներկայացուցիչները զինված հարձակում են գործել «Օհանյան-Րաֆֆի-Օսկանյան» դաշինքի համակիրների վրա, որի հետևանքով 4 մարդ վիրավորվել է:
Այս մասին երեկ տեղեկացրել էր ՕՐՕ դաշինքը¸ այնուհետ նաև հաղորդագրություն տարածել՝ ներկայացնելով դեպքի մանրամասները¸ որոնք սկիզբ էին առել դեռ մարտի 12-ից.
«Արմավիրի մարզի Ջրառատ գյուղում մարտի 12-ին ՀՀԿ-ական գյուղապետ Սամվել Գալստյանի եւ փոխոստիկանապետ Լեւոն Երանոսյանի եղբոր՝ Լեռնիկ Երանոսյանի ակտիվ մասնակցությամբ, հրազենի գործադրմամբ սպառնալիքներ են հնչեցվել «Օհանյան-Րաֆֆի-Օսկանյան» դաշինքի ակտիվիստների նկատմամբ: Հնչել են կրակոցներ: Ակտիվիստների ջանքերով կրակողը՝ Լեռնիկ Երանոսյանը վնասազերծվել է:
Միջադեպից հետո բերման են ենթարկվել բացառապես դաշինքի կողմնակիցները: Ավելին, իշխանությունները որեւէ քայլ չեն ձեռնարկել իրավիճակի հետագա լարումը թույլ չտալու համար: Արդյունքում, մարտի 14-ին ՀՀԿ-ականները հրոսակային հարձակում են գործել 16-ամյա պատանու վրա, նրան դաժան ծեծի ենթարկել, պատճառելով մարմնական վնասվածքներ: Քիչ անց գյուղապետարանից անակնկալ հարձակման են ենթարկվել պատանուն օգնելու դուրս եկած նրա հարազատները: Այս անգամ նրանց դեմ կիրառվել է ինքնաձիգ, ընդ որում դեպքի վայրում ներկա են եղել նաեւ ոստիկանության ներկայացուցիչներ, որոնք կրկին որեւէ բան չեն ձեռնարկել այս հանցագործությունը կանխելու ուղղությամբ: Հարձակման հետեւանքով հրազենային եւ այլ ծանր մարմնական վնասվածքներ են ստացել չորս հոգի, այդ թվում մեկ պատանի, որոնք այժմ գտնվում են հիվանդանոցում»: Հարուցվել է քրեական գործ: Միջադեպի մասին «Ազատության» հետ զրույցել պատմել է տուժողներից Հակոբ Մելքոնյանի մայրը:
Նշենք¸ որ երեկ տարածվեց նաև տեսանյութ¸ որտեղ երևում է¸ որ դեպքի վայրում է եղել նաև փոխոստիկանապետ Լևոն Երանոսյանը:
Մեկ այլ տեսանյութում էլ¸ որն արվել է ոստիկանությունում¸ պարզ է դառնում¸ որ զենքը պատկանում է Լևոն Երանոսյանի եղբորը՝ Լեռնիկ Երանոսյանին:

Հանրապետական կուսակցության պատգամավոր Լեռնիկ Ալեքսանյանը Ջրառատի դեպքերը բացասական է գնահատում և կարծում¸ որ պետք է արմատախիլ անել ցանկացած նման երևույթ: Սակայն ըստ նրա սխալ է ասել¸ որ ոստիկանությունն ունի այս ամենի մեջ անմիջական մասնակցություն: Տեղի ունեցածն ընդամենը էմոցիաների արդյունք է և պետք չէ քաղաքականացնել:
Ալեքսանյանի կարծիքով Ռեյտինգային ընտրակարգով առաջադրված ՀՀԿ-ական թեկնածուների միջև տեղի ունեցող բազմաթից ծեծկռտութները¸ դանակահարությունը ևս զուտ անձնական խնդիրների պատճառով է:

«Բարգավաճ Հայաստան» կուսակցության փոխնախագահ Նաիրա Զոհրաբյանը Zham.am-ի հետ զրույցում նշեց¸ որ ԲՀԿ-ն և Ծառուկյան դաշինքը դատապարտում են տեղի ունեցածը և կարծում¸ որ ոչ մի քվե չարժե մարդկային կյանք:
ՕՐՕ դաշինքի համամասնական ցուցակի ներկայացուցիչ Հովսեփ Խուրշուդյանի կարծիքով ՀՀԿ-ի հարձակումը ՕՐՕ-ի հանդեպ պատահական չէ¸ քանի որ նրանց մեջ տեսնում է ուժ¸ որը կարող է իշխանափոխություն կատարել:
Ազատ դեմկորատներ կուսակցության համամասնական ցուցակի ներկայացուցիչ Անահաիտ Բախշյանը դատապարտում է միջադեպը և որակում որպես բարբարոսութուն:

Այս թեմայով Կոնգրես-ՀԺԿ դաշինքի կոչը՝ նախընտրական բախումների առնչությամբ Գ. Նազարյան. ՕՐՕ-ն չի նահանջի, իսկ Երանոսյան եղբայրները խայտառակում են մեր պետությունը (Տեսանյութ) «Լեռնիկը զենքը պահել է տղայիս վրա, ասել՝ պիտի չոքես» (Տեսանյութ) ՀՀԿ-ի միտքը, խիղճը եւ պատիվը. Արմեն Աշոտյան Մեծ միջադեպ փոքրիկ գյուղում