«Եթե մայրը ողջ լիներ, նա Քիմի հետ ամուսնացած չէր լինի». Քանյե Ուեսթի խորթ հայրը քննադատել է Քարդաշյաններին

Ռեփեր Քանյե Ուեսթի խորթ հայրը Daily Mail-ին տված հարցազրույցում պատմել է, որ անհանգստացած է «որդու» վիճակով:

Նա ասել է, որ հեռուստաաստղ Քիմ Քարդաշյանն ու նրա ընտանիքը բացասական ազդեցություն են ունենում ռեփերի վրա, ստիպում են նրան մեկուսանալ:

Ուլիս Բլեքլեյը պատմել է, որ Ուեսթի մոր՝ Դոնդայի հետ ապրել է երկար տարիներ՝ այն ժամանակվանից սկսած, երբ ապագա ռեփերը դեռ 3 տարեկան էր:

Տղամարդու համոզմամբ՝ Ուեսթի բոլոր նյարդային պոռթկումները, արտասովոր պահվածքն ու սկանդալային հայտարարություններն անմիջական կապ ունեն Դոնդայի մահվան հետ: Հայտնի է, որ ռեփերի մայրը մահացել է 2007թ.:

«Նա մինչև հիմա սգում է մոր մահը, սակայն իրական ընկերներ ու ընտանիք չունի, որպեսզի դիմի նրանց: Նրա շրջապատը Քարդաշյաններն են, որոնք Քանյեին բանտարկյալի են վերածել: Կարծում եմ, եթե Դոնդան ողջ լիներ, ապա Քանյեն այժմ Քիմ Քարդաշյանի ամուսինը չէր լինի, քանի որ մայրը կբացատրեր նրանց անհամատեղելիությունը: Քանյեն տաղանդավոր է ու արտիստիկ, մինչդեռ շրջապատված է անգրագետ Քարդաշյաններով»,-ասել է տղամարդը: