Վիճակագրության պետական կոմիտեն խոսել է Ադրբեջանում ինֆլյացիայի մակարդակի մասին

Ինֆլյացիան Ադրբեջանում 2017 թվականի փետրվարին կազմել է 1,6%,- Ինտերֆաքս–Ադրբեջանին հաղորդել են Վիճակագրության պետական կոմիտեից։

«Ինֆլյացիան Ադրբեջանում 2017 թվականի փետրվարին կազմել է 1,6%, ընդ որում պարենային ապրանքները թանկացել են 2,5%, ոչ պարենայինը՝ 0,9%-ով, ծառայությունները ազգաբնակչությանը՝ 1%–ով»,– նշել են Վիճպետկոմիտեում։

Պարենային ապրանքների խմբում թանկացել են բրինձը, ալյուրը, հնդկաձավարը, մակարոնեղենը, տավարի միսը, ոչխարի միսը եւ հավի միսը, ձկնեղենը, երշիկեղենը, կաթնեղենը, կարագն ու բուսական յուղը, շաքարն ու շաքարավազը, թեյը, սուրճը, խնձորը, տանձը, լիմոնը, նարինջը, բանանը, կաղամբը, կանաչեղենը, լոլիկը, վարունգը, կարտոֆիլը, սոխը, սխտորը, գազարը, ալկոհոլային խմիչքները։

Նվազել է միայն ձվի գինը։

Ինֆլյացիայի տարեկան միջին  մակարդակը Ադրբեջանում 2016 թվականի տվյալներով կազմել է 12,4%:

Top-News.am