Եվրոպացիները կորցնում են Թուրքիայի հանդեպ համակրանքը
Նիդեռլանդների ու Թուրքիայի միջեւ բորբոքված սկանդալի հիմքում քաղաքականությունն է։ Այս մասին հայտնել է հոլանդացի քաղաքական գործիչ, Atlantic Sentinel կայքի խմբագիր Նիք Օտտենսը՝ News.am-ի թղթակցի խնդրանքով մեկնաբանելով Նիդեռլանդների ու Թուրքիայի միջեւ դիվանագիտական սկանդալը։
Նրա խոսքով Էրդողանին չի վնասի արտասահմանում ապրող թուրքերի աջակցությունը, իսկ Նիդեռլանդների իշխող կուսակցությանն էլ ձեռնտու է Թուրքիայի ագրեսիվ վարքագծին դիմակայություն ցուցաբերելը։ «Ընդ որում հոլանդացիները կարծես անկեղծորեն փորձել են փոխզիջում գտնել, օրինակ թույլ տալով արտգործնախարարին ելույթ ունենալ Ռոթերդամում թուրքական հյուպատոսարանում ոչ ծավալուն միջոցառմանը։ Հոլանդացիները դադարեցրել են բանակցությունները միայն երբ թուրքական կառավարությունը սպառնացել է պատժամիջոցներ սահմանել, եթե իրենց նախարարներին արգելեն ելույթ ունենալ»,- նշել է վերլուծաբանը։
Նիկ Օտտենսը համարում է, որ Ռոթերդամում պաշտոնատար անձինք անկեղծորեն անհանգստացած էին նրանով, որ էրդողանին աջակցող հանրահավաքը կարող է զանգվածային անկարգությունների պատճառ դառնալ ու իրոք Ռոթերդամում ու Ամստերդամում վերջին օրերին փոքր բողոքի ակցիաներ էին անցկացվում։
Պատասխանելով այն հարցին, թե վերջին իրադարձություններն ինչպես կազդեն ԵՄ-ի ու Թուրքիայի հարաբերությունների վրա, փորձագետը նշեց, որ Թուրքիան ու ԵՄ-ն առաջվա պես շատ հարցերում ունեն միմյանց կարիքը։ «Սակայն եվրոպացիները կորցնում են համակրանքը Թուրքիայի նկատմամբ։ Թուրքիայի ու ԵՄ-ի հարաբերությունները կարող են ավելի հաշվենկատ ու գործնական դառնալ»,- ասել է նա։
Հիշեցնենք, որ ավելի վաղ Նիդեռլանդների իշխանությունները չէին թույլատրել երկրում Թուրքիայի արտգործնախարարի օդանավի վայրէջքը, որը մտադիր էր մասնակցել Ռոթերդամում ծրագրված հանրահավաքին, որպեսզի Նիդեռլանդներում բնակվող Թուրքիայի քաղաքացիներին տեղեկացնի ապրիլի 16-ին հանրաքվեի դրվող սահմանադրական փոփոխությունների մասին։ Նիդեռլանդների հետ հարաբերությունների վատացման ֆոնին Դանիան նույնպես հետաձգել էր Թուրքիայի վարչապետի այցը։ Ավելի վաղ Գերմանիան նույնպես չեղարկել էր թուրք նախարարների քարոզչական հանդիպումները երկրի տարածքում, ինչը հանգեցրել է լարվածության Թուրքիայի հետ հարաբերություններում։
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Կիևի պահանջները նման են անհատակ փոսի․ Սիյարտո
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...