Մեծ Բրիտանիայում հազվագյուտ արծաթագույն աղվես է հայտնաբերվել (լուսանկարներ)

Մեծ Բրիտանիայի Չեշիր կոմսության այգիներից մեկում հազվագյուտ արծաթագույն կամ արծաթափայլ սև աղվես է հայտնաբերվել, որի մասին այժմ հոգ է տանում Կենդանիների նկատմամբ դաժան վերաբերմունքի կանխման թագավորական միությունը, հաղորդում է Fox News-ը:

Յուրահատուկ աղվեսին անվանել են Շեդոու: Մասնագետները ենթադրում են, որ այն ընտանի կենդանի է, քանի որ ունի շատ մեղմ բնավորություն: Անասնաբույժները զննել են կենդանուն, սակայն առողջական որևէ խնդիր չեն հայտնաբերվել: Նշվում է միայն, որ աղվեսը մի փոքր գիրուկ է:

Մասնագետների խոսքով՝ արծաթագույն աղվեսները հասարակ աղվեսներից տարբերվում են միայն մորթու արտասովոր երանգով: Դրանք, ինչպես և հասարակ աղվեսները, ամենակեր են և կարող են սնվել ինչպես կրծողներով, նապաստակներով և այլ մանր կենդանիներով, այնպես էլ հատապտուղներով ու խոտաբույսերով:

Այս թեմայով «Այլմոլորակային» մողեսները հարձակվել են ամերիկացիների վրա Քենիայի արգելոցում լուսանկարիչը ֆիքսել է ընձառյուծների «ակրոբատիկ հնարքները» (լուսանկարներ) Մեդուզային օդ նետող դելֆինը դարձել է համացանցի աստղ (տեսանյութ) WWF-Հայաստանը «Արևիք» ազգային պարկում ընձառյուծ է լուսանկարել Ալյասկայում որմզդեղնը տապից պաշտպանվելու հիանալի միջոց է գտել (տեսանյութ)