Կիևի ռեստորաններից մեկում մատուցողը տորթը շպրտել է այցելուհու դեմքին (Տեսանյութ)

Պեչերսկում Guramma Italiana ռեստորանում մատուցողը տորթը շպրտել է այցելուհու դեմքին այն բանից հետո, երբ նա խիստ հանդուգն է իրեն պահել մատուցողի հանդեպ։ Դեպքի տեսանյութը հրապարակվել է բեմադրող-պարուսույց Ռիչարդ Գորնի Instagram-ի էջում՝ գրում է focus.ua-ը։

Տեսանյութի մեկնաբանությունների մեջ նա նշել է, որ կանայք շատ կոպիտ վարք են դրսևորել և վիրավորական կերպով ցույց տվել իրենց դժգոհությունը։

Մատուցողներից մեկը չի դիմացել կոպիտ վերաբերմունքին և տորթը շպրտել է կանանցից մեկի դեմքին: Իսկ այն բանից հետո, երբ երկխոսությանը միացել է երկրորդ կինը՝ միևնույն էքսցենտրիկ ձևով արտահայտելով վրդովմունքը, երկրորդ մատուցողն էլ սկուտեղը նետել է նրա դեքին։

Արդյունքում կանայք սկսել են բղավոցներով կանչել հաստատության պատասխանատուին։