Թուրքիայի իշխանությունները պաշտոնից ազատում են բոլոր քուրդ գյուղապետերին

Թուրքիայի իշխանությունները պաշտոնից ազատում են տասնյակ քուրդ գյուղապետերի, որոնց ղեկավարած համայնքներում քրդամետ Ժողովրդադեմոկրատական կուսակցությունն անցած խորհրդարանական ընտրություններին ձայների բացարձակ մեծամասնություն է ստացել, գրում է demokrathaber.org կայքը:

Հայտնի է, որ օրերս աշխատանքից ազատվել են քրդաբնակ Հաքքարի նահանգի Յուքսեքովա շրջանի 31 գյուղական համայնքի ղեկավարներ. այդ գյուղերում ընտրությունների ժամանակ քրդամետ ԺԴԿ-ն ստացել է ձայների շուրջ 90 տոկոս և ավելին:

Աղբյուրը նշում է, որ ընդհանուր առմամբ Յուքսեքովայում գրանցված է 62 գյուղական համայնք, որից ուղիղ կեսի գյուղապետերը, փաստացի, մեկ օրում փոխվել են:

Որպես գյուղապետերին աշխատանքից ազատելու հիմնավոր պատճառ՝ նահանգապետարանում նշել են «ահաբեկչության հետ կապերն ու պաշտոնի հետ անհամատեղելի գործողությունները»՝ նկատի ունենալով Թուրքիայում ահաբեկչական համարվող «Քրդստանի աշխատավորական կուսակցություն» խմբավորման հետ հնարավոր կապերը:

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին