Ստամբուլում բանտից փախած հանցագործը փողոցում 11 մարդու է դանակահարել

Ստամբուլի ասիական հատվածում գտնվող Քադըքյոյ շրջանում բանտից փախած հանցագործը դանակով հարձակվել է անցորդների վրա ու մարմնական վնասվածքներ հասցրել 11 քաղաքացու, տեղեկացնում է թուրքական DHA գործակալությունը:

Բոլոր տուժածները տեղափոխվել են հիվանդանոց: Նշվում է, որ տուժածներից երկուսի վիճակը բժիշկները ծանր են գնահատել:

Հարձակում գործած Ալի Քարդաշը հարցաքննության ժամանակ պնդել է, որ ինքը չպարզված հաշիվներ է ունեցել տվյալ փողոցում գտնվող մսի վաճառքի կետի աշխատակիցների հետ:

Ըստ հանցագործի՝ ինքն ավելի վաղ աշխատել է այդ խանութում, որի աշխատակիցների դրդմամբ սկսել է թմրանյութեր օգտագործել: Քարդաշը նշել է, որ ինքը ցանկացել է դանակահարել այդ մարդկանց, իսկ ավելի ուշ անգիտակցաբար հարձակվել է իրեն կանգնեցնել փորձող անցորդների վրա:

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով