Sony-ն որոշել է ֆիլմ նկարահանել թմրաբարոն Կարճլիկի մասին
Sony Pictures կինոընկերությունը մտադիր է ձեռք բերել մեքսիկացի թմրաբարոն Խոակին Գուսմանի մասին գրքի էկրանավորման իրավունքները, հայտնում է BBC–ի Ռուսական ծառայությունը։
«Բռնել Կարճլիկին» վերնագրով գիրքը, որը պատմում է այն ամերիկացի իրավապահի մասին, ում հաջողվել էր բռնել աշխարհի ամենահայտնի թմրաբարոնին, վաճառքում կհայտնվի հոկտեմբերին։ Այդ նույն ժամանակ, ակնկալվում է, որ կսկսվի Գուսմանի նկատմամբ դատավարությունը։
Որպես ռեժիսոր Sony–ն հույս ունի ներգրավել Մայքլ Բեյին, որը հայտնի է «Արմագեդդոն», «Ժայռ» ու «Տրանսֆորմերներ» ֆիլմերով։
Զուգահեռաբար Fox կինոընկերությունը սկսում է Դոն Ուինսլոուի «Կարտել» վեպի էկրանավորումը, որում խոսքը դարձյալ խոշոր թմրաբարոնի հետապնդման մասին է։ Ռեժիսորը Ռիդլի Սքոթթն է լինելու։
Խոակին Գուսմանը, որը առավել հայտնի է Կարճլիկ մականունով, մեքսիկական «Սինալոա» թմրակարտելի հիմնադիրն է , նա ԱՄՆ-ում մեղադրվում է թմրադեղերի խոշոր խմբաքանակի մաքսանենգության, սպանությունների, դավադրության ու այլ հանցագործությունների համար։
Երկար տարիներ Խոակին Գուսմանը համարվում էր աշխարհի ամենաորոնվող հանցագործներից մեկը։ Արդյունքում նրան ձերբակալել են Մեքսիկայում։ Երկիրը համաձայնել է թմրաբարոնին արտահանձնել ԱՄՆ այն բանից հետո, երբ ամերիկյան դատախազությունը խոստացել է, որ Գուսմանի նկատմամբ չի կիրառվելու մահապատիժ։
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Մահացել է ՀՀ վաստակավոր արտիստ Արտաշես Ալեքսանյանը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
«Ուժեղ Հայաստան»-ը կվերցնի մանդատները և կգնա Ազգային ժողով
Կասեցվել է Վանաձորի գազալցակայաններից մեկի հեղուկ գազի վաճառքը
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
Սահմանազատում, ԹՐԻՓՓ և բարեփոխումներ. ԱԺ պաշտպանության հանձնաժողովի նախագահը հանդիպել է ՀՀ-ում ԵՄ քա...
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստան...