Թուրքիայում քուրդ պաշտոնյան դատապարտվել է 9 տարվա ազատազրկման

Թուրքիայի Դիարբեքիրի նահանգի Խուլբ շրջանի (պատմական Սասունի արևմտյան հատվածը) ազգությամբ քուրդ համաղեկավար Սադիյե Սյուեր Բարանը դատապարտվել է 9 տարի, 2 ամիս ժամկետով ազատազրկման՝ «ահաբեկչական խմբավորման անդամ հանդիսանալու» մեղադրանքով:

Ինչպես գրում է թուրքական «Էվրենսել» պարբերականը, Բարանը մեղավոր է ճանաչվել Թուրքիայում ահաբեկչական համարվող «Քրդստանի աշխատավորական կուսակցություն» խմբավորման անդամ լինելու ու խմբավորման օգտին ահաբեկչամետ քարոզչությամբ զբաղվելու համար:

Քուրդ քաղաքական գործիչը չի ընդունել իրեն առաջադրված մեղադրանքը և պահանջել է իր ազատ արձակումը: Բարանը շեշտել է, որ իշխանությունները ցանկանում են նման ճնշումների միջոցով հեռացնել իրեն քաղաքականությունից, մինչդեռ նա փախչել չի պատրաստվում:

Հիշեցնենք, որ ՔԱԿ-ը քրդական կազմակերպություն է, որի հիմնական նպատակն է զինված պայքարի միջոցով Թուրքիայի հարավ-արևելյան (Արևմտյան Հայաստանի զգալի մասը), Իրաքի հյուսիսային, Իրանի հյուսիս-արևմտյան և Սիրիայի հյուսիս-արևելյան տարածքներում հիմնել քրդական անկախ պետություն:

Թուրք-քրդական հարաբերությունների սրման հերթական փուլը սկսվել է 2015-ի ամռանը:

Կազմակերպությունը 1978 թվականին հիմնադրել է Աբդուլլահ Օջալանը:

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին