Բելառուսն Ադրբեջանին զենք վաճառելով խախտում է ռազմավարական հավասարակշռությունը
«Коммерсантъ FM»-ի քաղաքական մեկնաբան Դմիտրի Դրիզեն նշել է, որ Բելառուսի վարած արտաքին քաղաքականության մի շարք քայլեր նյարդայնացնում են ՌԴ իշխանություններին, ավելին՝ «Մոսկվայի համբերությունը հատման եզրին է»:
Ըստ Դրիզեի՝ Մոսկվային բոլորովին էլ դուր չի գալիս Բելառուսի նախագահ Ալեքսանդր Լուկաշենկոյի վարած երկկողմ քաղաքականությունը, այն է՝ Ռուսաստանի հետ առկա հարաբերություններին զուգահեռ Արևմուտքին սիրաշահելու փորձերն ու Ուկրաինայի հետ բարիդրացիական հարաբերությունները:
«Մինսկն իր համար վարկեր ու վերաբերմունք է պահանջում՝ ինչպես ռուսական մարզի հանդեպ, միևնույն ժամանակ՝ անկախության ու ինքնիշխանության ամբողջական պահպանմամբ», - նշել է փորձագետը:
Ռուսաստանի դժգոհության պատճառներից մեկն էլ Բելառուսի՝ Չինաստանի հետ համատեղ «Պոլոնեզ» համազարկային կրակի ռեակտիվ համակարգերի արտադրությունն է:
Նույն զենքից Բելառուսը նաև վաճառել է Ադրբեջանին, ինչն, ըստ փորձագետի, հաշվի առնելով ղարաբաղա-ադրբեջանական հակամարտությունը, խախտում է ռազմավարական հավասարակշռությունն ու մրցակցություն ստեղծում ՌԴ-ի համար:
«Այսինքն՝ քիչ է, որ նրանք այդ համակարգերը մարտական հերթապահության են դրել Ռուսաստանի սահմանների մոտ, դեռ մի բան էլ վաճառել են Ադրբեջանին՝ մրցակցություն ստեղծելով ՌԴ-ի համար ու խախտելով ռազմավարական հավասարակշռությունը՝ հաշվի առնելով Բաքվի ու Երևանի կոնֆլիկտը: Նման գործողությունները բարդ է դաշնակցային անվանել», - ասել է Դրիզեն:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է