Թուրքիան և Ադրբեջանը մտադիր են համատեղ ռազմանավեր կառուցել

Թուրքական նավաշինական Dearsan գործարանը մտադիր է Ադրբեջանի ռազմածովային ուժերի հետ համատեղ չորս ռազմանավ կառուցել: Այդ մասին Trend գործակալությանը հայտնել է գործարանի մենեջեր Սերվեթ Բիլգինը:

Նա մանրամասնել է, որ տվյալ հարցի շուրջ Ադրբեջանի կառավարության հետ բանակցություններ են անցկացվել: Դրանց շրջանակում Բաքվին ներկայացվել է չորս նախագիծ:

«Բացի այդ, տվյալ հարցը քննարկվել է Ադրբեջանի ռազմածովային ուժերի հետ: Եթե կողմերը համաձայնության գան, մենք ձեռնամուխ կլինենք Ադրբեջանում նավերի համատեղ կառուցմանը»,-ասել է Բիլգինը:

Նա նաև մանրամասնել է, որ նավերը կառուցվելու են՝ Կասպից ծովի առանձնահատկություններն ու տարածաշրջանի պետությունների ուժերի հավասարակշռությունը հաշվի առնելով:

Հայտնի է, որ նախագիծն արդեն ներկայացվել է Ադրբեջանի պաշտպանության նախարարությանը:

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին