Անդրեն ամուսնացե՞լ է. երգիչը հարսանեկան լուսանկար է հրապարակել

Երգիչ Անդրեն զարմացրել եւ հետաքրքրել է միկրոբլոգի իր էջի հետեւորդներին: Նա իր Instagram-ում նոր լուսանկար է հրապարակել, որում ներկայացել է փեսայի կերպարում, իսկ նրա կողքին մի գեղեցկուհի է, որը կրում է հարսանեկան զգեստ: Չնայած լուսանկարին կից եւ, առհասարակ, ամուսնության թեմայով երգիչը ոչ մի պաշտոնական մեկնաբանություն չի արել, սակայն գործընկերներն ու երկրպագուները շնորհավորել ու շարունակում են շնորհավորել նրան՝ ամուսնության կապակցությամբ:

 Ավելի վաղ Անդրեի պրադյուսեր Անուշ Հովնանյանը մեր այն հարցին, թե ո՞վ է Անդրեի Instagram-ում քննարկումների մեծ ալիք բարձրացրած խորհրդավոր աղջիկը, պատասխանել էր.

Գիտե՞ք, Անդրեի անձնականը բացահայտելու իրավունք չունեմ, նույնիսկ, ես:) Հենց դրանով է յուրաքանչյուր մարդու անձնականը համարվում իր սեփականությունը: Կարծում եմ՝ երբ ժամանակը գա, Անդրեն ինքը կբացահայտի, թե ով է իր կողքի աղջիկը: Միայն կասեմ, որ ի սրտե ուրախանում եմ նրա թե անձնական, թե ստեղծագործական բոլոր հաջողություններով եւ միշտ լինելու եմ նրա կողքին:)

Սպասենք Անդրեի կողմից այս հիանալի լուրի հաստատմանը))))