Բունդեսթագի պատգամավոր. Գերմանիան Թուրքիայի ֆորպոստը չէ

Գերմանացի խորհրդարանականները միաձայն աջակցել են Գերմանիայում թուրք քաղաքական գործիչների կողմից հանրաքվեի քարոզչության արգելքին, հայտնում է Deutsche Welle-ն:

Քրիստոնեա-դեմոկրատական միության պատգամավոր Վոլֆգանգ Բոսբախը խոսքի ազատության մասին թուրքերի փաստարկները «փաստերի խեղաթյուրում» է անվանել:

«Գերմանիան Թուրքիայի ֆորպոստը չէ, իսկ արտասահմանյան քաղաքական գործիչներն իրավունք չունեն արշավ անցկացնել գերմանական հողում»,- նշել է նա:

Նրա հետ համաձայն է Քրիստոնեա-դեմոկրատական միության ներկայացուցիչ Հորսթ Զեեհոֆերը: Նա նշել է, որ թուրք քաղաքական գործիչները Գերմանիայի ազատական օրենքներն օգտագործում են իրենց երկրում «հակաժողովրդավարական վերակառուցման առաջմղման համար»:

Այս որոշմանն աջակցել են նաեւ Բունդեսթագի թուրքական ծագմամբ պատգամավորներ Ջեմ Օզդեմիրը եւ Սեւիմ Դաղդալենը: Դաղդալենը նշել է, որ Գերմանիայի կառավարությունը պետք է եւ կարող է Էրդողանին եւ նրա նախարարներին թույլ չտալ բռնապետության եւ մահապատժի վերականգնման քարոզչություն իրականացնել:

news.am

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Գերմանական բանակը պետք է դառնա ամենաուժեղը Եվրոպայում. Մերց Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով