Կարող եմ խաղալ Բելգիայի կամ Պորտուգալիայի առաջնությունում. Գաել Անդոնյան
Հայաստանի ազգային հավաքականի պաշտպան Գաել Անդոնյանը «Onze Mondial» պարբերականին տված հարցազրույցում նշել է, որ ֆրանսիական «Մարսելից» ազատ գործակալի կարգավիճակով հեռանալուց հետո կարիերան Եվրոպայում շարունակելու տարբերակներ ունի, սակայն վերջնական որոշում դեռ կայացրել.
«Դեռևս նախորդ ամռանն էի ցանկանում հեռանալ «Մարսելից», սակայն լավ տարբերակներ չունեի: Որոշեցի սպասել և հեռանալ ազատ գործակալի կարգավիճակով: Այժմ առաջարկներ ունեմ Ֆրանսիայից և Ֆրանսիայից դուրս, բայց վերջնական որոշում չեմ կայացրել: Ֆրանսիայի կամ Իսպանիայի նման երկրներում ավելի շատ հնարավոր է խաղալ երկրորդ լիգաներում, սակայն Բելգիայում կամ Պորտուգալիայում ես կարող եմ խաղալ առաջին լիգայում: Միակ բանը, որ ցանկանում եմ՝ խաղաժամանակն է»,- ասել է Անդոնյանը:
Հարցազրույցում Անդոնյանը գովասանքով է խոսել Հենրիխ Մխիթարյանի մասին՝ նշելով, որ վերջինս իրեն շատ է օգնել Հայաստանի հավաքականին հարմարվելու հարցում.
«Մխիթարյանն ազատ տիրապետում է ֆրանսերենին և ինձ շատ է օգնել հավաքականում: Հայերենը շատ բարդ լեզու է և տարբերվում է ֆրանսերենից: Ես հիմնական բառերը սովորել եմ, որպեսզի խաղադաշտում դժվար չլինի միմյանց հասկանալը:
Հենրիխն օրինակ է ինչպես խաղադաշտում, այնպես էլ դրա սահմաններից դուրս: Նա իսկապես մեծ մարդ է և արդեն իսկ աշխարհի լավագույն ֆուտբոլիստներից մեկը: Հենրիխը երբեք թույլ չի տվել զգալ, որ այլ մակարդակի վրա է: Նա ամենաշատն է աշխատում հավաքականում, չի դժգոհում և միշտ խաղում է նվիրվածությամբ: Այնպես որ՝ այո՛, նա իսկական օրինակ է մյուսների համար»:
23-ամյա պաշտպանը նաև նշել է, որ առաջիկայում փորձելու են իրականացնել հայ ֆուտբոլասերների երազանքը և մասնակցել միջազգային մրցաշարի.
«Հայաստանի հավաքականին փորձն է պակասում: Բացի այդ, մեր թիմը շատ երիտասարդ է. միջին տարիքը 25-26-ն է, ինչը միջազգային մակարդակի համար շատ քիչ է: Ազգերի լիգայում դեռ հստակ նպատակ չունենք: Չենք կարող պարզապես վերցնել ու ասել, որ Եվրոպայի առաջնության խմբային փուլում հայտնվելու հավակնորդ ենք: Սակայն Ազգերի լիգան լավ հնարավորություն է, քանի որ խաղալու ենք մեր մակարդակի հավաքականների հետ: Մեր նպատակը կլինի լավ խաղ ցուցադրելը: Հույս ունենք հայ ժողովրդին տալ այն, ինչ նա միշտ սպասել է՝ մասնակցել միջազգային մրցաշարի, բայց չենք ցանկանում կենտրոնանալ այդ մտքի վրա»,-ասել է Գաել Անդոնյանը:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...