Թուրքական իշխանությունները զայրացած են հույների վրա

Թուրքիայի իշխանությունները Հունաստանին մեղադրել են ահաբեկչության դեմ պայքարից հրաժարվելու մեջ, եր պաշտոնական Աթենքը հրաժարվել է թուրքական կողմին հանձնել Հունաստանում ապաստան գտած այն թուրք զինվորականներին, որոնց թուրքական արդարադատությունը մեղադրում է պետական հեղաշրջում կազմակերպելու մեջ:

Հիշեցնենք, որ Հունաստանում ապաստան է գտել ութ թուրք բարձրաստիճան զինվորական: 

Թուրքիան հունական կողմի որոշումը քաղաքական է համարում:

Ուղղաթիռով Հունաստան փախած զինվորականները կտրականապես հերքում են իրենց մասնակցությունը հեղաշրջմանը: BBC-ն հայտնում է, թե զինվորականները համոզված են, որ եթե իրենց հանձնեն թուրքական իշխանություններին, ապա իրենց կյանքը կդրվի վտանգի տակ:

Հունական դատարանը որոշում կայացնելիս նշել է, թե մտավախություն կա, որ թուրք զինվորականներին Թուրքիային հանձնելուց հետո նրանց դեմ ապօրինի դատական հետապնդում կսկսվի:

Top-News.am 

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին