Եվրոպայում իրանցիների ձերբակալություններ նախագահի այցի օրերին

Բելգիայի իրավապահները հաղորդել են Ֆրանսիայում ապաստանած իրանցի ընդդիմադիրներին ռումբի կիրառմամբ ահաբեկչական գրոհ ծրագրելու կասկածանքով մի իրանցի դիվանագետի և երկու այլ անձի ձերբակալելու մասին:

Իրավապահների այս գործողությունները մի քանի երկրի պատկան ծառայությունների ջանքերով են իրականացվել:

Բելգիացիները ձերբակալել են մի 38-ամյա տղամարդու և 33-ամյա կնոջ, կասկածյալների անունները չեն հրապարակվում:

Դրանից ավելի վաղ Գերմանիայում ձերբակալվել է մի իրանցի դիվանագետ, ով Ավստրիայի մայրաքաղաք Վիեննայում է ծառայել: Այդ ձերբակալության մասին երեկ է հաղորդվել:

Եվս երեք անձ ձերբակալվել է Ֆրանսիայում: Այս ձերբակալություններն իրականացվել են Իրանի դիմադրության Ազգային խորհրդի հավաքի օրերին:

Խորհդի կազմում իրանական ընդդիմության տարբեր խմբավորումների ներկայացուցիչներ են: Իրանի դիմադրության Ազգային խորհրդի նպատակն է տապալել Իրանում այաթոլաների վարչակարգը:

Հենց այս օրերին Իրանի նախագահ Հասան Ռոհանին մեկնել է Եվրոպա՝ միջուկային վտանգված պայմանագրի և նավթի արդյունահանման հետ կապված հարցերի քննարկման համար:

Իրանի արտգործնախարար Մոհամադ Զարիֆը Թվիթերի իր էջում «շինծու գործ» է անվանել եվրոպական իրավապահ կառույցների իրականացրած գործողությունները:

«Ինչ հարմար է, հենց մենք սկսեցինք մեր այցը՝ մեկ էլ Եվրոպայում բացահայտեցին ու ձերբակալեցին իրանցի դավադիրներին», - գրել է Զարիֆը:

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում