«Ազատությունն արդեն մոտ է». Թրամփի խորհրդականն Իրանում իշխանափոխության կոչ է արել

Միացյալ Նահանգների նախագահ Դոնալդ Թրամփի իրավական հարցերով խորհրդական Ռուդի Ջուլիանին, որը նախկինում զբաղեցրել է Նյու Յորքի քաղաքապետի պաշտոնը, իրանական ընդդիմադիր խմբի կազմակերպած հանրահավաքի ժամանակ Իրանում իշխանափոխության կոչ է արել:

Ինչպես հայտնում է The Guardian-ը, ընդդիմադիր գործիչ Միրյամ Ռաջավիի ղեկավարած Իրանի դիմակայության ազգային խորհրդի՝ Փարիզում կազմակերպված հանրահավաքի ժամանակ Ջուլիանին ասել է, որ «իրենք արդեն կարողանում են տեսնել Իրանում իշխող ռեժիմի վերջը»:

«Այժմ մենք իրապես կարողանում ենք տեսնել Իրանի ռեժիմի վերջը: Մուլլաները պետք է հեռանան, այաթոլաները պետք է հեռանան: Նրանց պետք է փոխարինելու գա ժողովրդավարական կառավարություն, որը ներկայացնում է տիկին Ռաջավին: Ազատությունն արդեն շատ մոտ է: Մյուս տարի կցանկանայի այս հավաքը տեսնել Թեհրանում»,-ասել է Թրամփի խորհրդատուն՝ մոտ 4.000 հավաքվածների առաջ ելույթի ժամանակ:

Հիշեցնենք, որ ավելի վաղ նախագահ Թրամփը ևս Իրանում իշխանափոխության ցանկություն էր հայտնել:

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում