Ադրբեջանը մտադիր է ավելացնել Պակիստանից սպառազինության գնումների ծավալը. Ալիև

Ադրբեջանի նախագահ Իլհամ Ալիևը հայտարարել է, որ Ադրբեջանը մտադիր է ավելացնել Պակիստանից սպառազինության գնումների ծավալը: Այդ մասին հայտնում է minval.az-ը՝ վկայակոչելով երկրի նախագահի մամուլի ծառայությանը:

«Ադրբեջանը հետաքրքրված է Պակիստանի հետ ռազմական համագործակցության ընդլայնմամբ և սպառազինության գնումների ծավալների մեծացմամբ»,- ասել է Ալիևը Պակիստանի միացյալ շտաբերի ղեկավարների կոմիտեի նախագահ Զուբաիր Մահմուդ Հայաթիի հետ զրույցի ընթացքում:

Ադրբեջանի նախագահը նշել է, որ Ադրբեջանի և Պակիստանի միջև գոյություն ունեն «սերտ քաղաքական կապեր և միևնույն ժամանակ բարեհաջող կերպով զարգանում է համագործակցությունը պաշտպանության ոլորտում»:

Նշվում է, որ հանդիպման ընթացքում կողմերը փոխանակվել են նաև հետագա համագործակցության հեռանկարների վերաբերյալ կարծիքներով:

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»