Վրաստանի նախագահը երկրի վարչապետի պաշտոնում տեսնում է Բիձինա Իվանիշվիլիին
Բիձինա Իվանիշվիլին՝ որպես իշխող կուսակցության առաջնորդ, պետք է դառնա վարչապետ: Բաթումում «Վրաստանի եվրոպական ուղին» խորագրով գիտաժողովի ժամանակ հայտարարել է Վրաստանի նախագահ Գեորգի Մարգվելաշվիլին: Ըստ Մարգվելաշվիլիի՝ անհրաժեշտ է ավարտել գործընթացը Վրաստանում, երբ հասարակությունը չգիտի, թե ով եւ ինչու է հեռացնում վարչապետներին:
«Եթե մենք խոսում ենք եվրոպական ընտրության եւ եվրոպական պետության ձեւավորման մասին, ես պարզապես կասեմ, որ վարչապետները իշխող կուսակցության առաջնորդներն են: Հետեւաբար, Բիձինա Իվանիշվիլին՝ որպես իշխող կուսակցության առաջնորդ, պետք է դառնա վարչապետ, եթե մենք խոսում ենք պատասխանատու քաղաքականության եւ պետության եւ հասարակության համար հասկանալի պետական գործընթացի ձեւավորման մասին: Եվ եթե մենք խոսում ենք նշանակման մասին եւ նման վարչապետի ընտրության մասին, որի հետ կապված հարցեր չեն առաջանա», - ասել է նա, հաղորդում է Georgia Online-ը:
Վրաստանի նախագահը քաղաքական ուժերին կոչ է արել Բիձինա Իվանիշվիլիին վարչապետ կոչել: « Վրաստանի պատասխանատու քաղաքական ուժերին, այդ թվում նաեւ իշխող կուսակցությանը կոչ եմ անում պատասխանատվություն ստանձնել հասարակության առջեւ, եւ վարչապետը կոչել մարդու, ով մի կուսակցության առաջնորդ է, որի հետ ես աշխատել եմ, երբ նա վարչապետ էր, եւ կարող եմ ասել, որ նա լավ վարչապետ էր: Ես աշխատել եմ Բիձինա Իվանիշվիլիի հետ, երբ նա նախարար էր, եւ այդ համագործակցությունը շատ լավն է եղել, հետաքրքիր եւ արդյունավետ: Բայց այս դիմակահանդեսը, երբ մարդիկ են նշանակվում, իսկ որոշումներ կայացնողը, ըստ էության, կուսակցությունն է, եւ դա չի արտահայտվում իրական կյանքում, իմ կարծիքով, կվնասի Վրաստանին, կվնասի Վրաստանի եվրոպական ընտրությանը եւ կվնասի Վրաստանի կայունության»,- հայտարարել է Գեորգի Մարգվելաշվիլին:
Հիշեցնենք, որ Գեորգի Կվիրիկաշվիլին նախօրեին հրաժարական է տվել Վրաստանի վարչապետի պաշտոնից: Նրա հրաժարականի կապակցությամբ դադարեցվել են բոլոր նախարարների լիազորությունները:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է