Ադրբեջանն իրավունք ունի ռազմական ճանապարհով կարգավորել Ղարաբաղի հիմնախնդիրը. Ասքերով

Ադրբեջանի խորհրդարանի՝ Միլի մեջլիսի առաջին փոխխոսնակ Զիյաֆետ Ասքերովը երեքշաբթի անցկացված արտահերթ լիագումար նիստում հայտարարել է, որ Ադրբեջանն իրավունք ունի ազատագրելու «իր տարածքները» ռազմական ճանապարհով:

«Մենք խաղաղասեր պետություն ենք և մերժում ենք պատերազմը՝ որպես այլ երկրների տարածքները գրավելու միջոց: Լեռնային Ղարաբաղը և դրա հարակից տարածքները շրջափակված են եղել Հայաստանի կողմից: Եթե հայերը չհեռանան մեր տարածքից՝ Ադրբեջանն իրավունք ունի ազատագրել շրջափակված հողերը ռազմական ճանապարհով»,- Թրենդ գործակալությունը մեջբերում է ադրբեջանցի գործչի խոսքը:

Փոխխոսնակը հավելել է, որ Ադրբեջանն այդ «իրավունքն ունի ՄԱԿ-ի կանոնադրության և իր օրենսդրության համապատասխան»: