Այսպես կորող է լինել միայն Ռուսաստանում. Տուլեեւը նոր պաշտոն ստացավ

Կեմերովոյի նախկին նահանգապետ Աման Տուլեևը ընտրվել է Ժողովրդական պատգամավորների մարզային խորհրդի նախագահ: Տուլեևի օգտին են քվեարկել Կեմերովոյի մարզխորհրդի 39 պատգամավորներից 38-ը:

Աման Տուլեևը նահանգապետի պաշտոնից հրաժարական էր ներկայացրել ապրիլի 1-ին` Կեմերովոյի առևտրի կենտրոններից մեկում տեղի ունեցած հրդեհից հաշվված օրեր անց:

Ավելի վաղ Ռուսաստանի իշխող «Եդինայա Ռոսիա» կուսակցության խորհրդարանական խմբակցության ղեկավար Սերգեյ Նևերովը դեմ էր արտահայտվել Տուլեևի` մարզային խորհրդի նախագահ ընտրության հեռանկարին: «Մարդիկ նման որոշումը պարզապես չեն հասկանա», - ասել էր «Եդինայա Ռոսիա»-ի բարձրաստիճան ներկայացուցիչը:

Կեմերովոյի «Զիմնյայա Վիշնյա» առևտրի կենտրոնում մարտի 26-ին բռնկված հրդեհի հետևանքով, հիշեցնենք, 64 մարդ է զոհվել, որոնցից 41-ը՝ երեխաներ:

Այս թեմայով Ռուս ընդդիմադիր գործիչ Ալեքսեյ Նավալնին բանտում մահացել է Սիրիայում ՌԴ–ի հետ հակասությունը C-400–ների վրա չի ազդի Ռուսաստանը Թուրքիային կոչ է անում խստորեն կատարել Իդլիբի վերաբերյալ Սոչիի համաձայնագիրը․ Լավրով Ռուսաստանի հետ համատեղ հերթապահությունը կսկսվի մոտ ժամանակներս.Թուրքիայի պաշտպանության նախարար ՌԴ ՊՆ-ն ցուցադրել է «Օխոտնիկ» նորագույն անօդաչուի առաջին թռիչքը (տեսանյութ)