Հարստանալու 6 կանոն՝ միլիարդատեր Ուորեն Բաֆեթից

Ամերիկացի գործարար, աշխարհի ամենահարուստ մարդկանցից մեկի՝ Ուորեն Բաֆեթի կարողությունը գնահատվում է 62 մլրդ դոլար: Երբ վերջինս 1962-ին սկսեց գնել «Բերքշիր Հեթուեյ» ընկերության բաժնետոմսերը, դրանք վաճառվում էին 7.50 դոլարով: Այժմ նա հոլդինգի նախագահն է, իսկ մեկ բաժնետոմսը վաճառվում է 119 000 դոլարով: Այս մասին գրում է Business Insider-ը՝ ներկայացնելով գործարարի՝ հաջողության հասնելու գաղտնիքները, որոնք տպագրվել են նրա մասին կենսագրական գրքում:

1. Կրկին ներդնել ստացված եկամուտը
Երբ առաջին անգամ գումար ես վաստակում, պետք չէ այն ծախսել, փոխարենը կարելի է ներդնել: Դա Բաֆեթը սովորել է սեփական փորձով: Ընկերոջ հետ պատանեկան տարիքում նա պինբոլի խաղասարք է տեղադրել վարսավիրանոցում: Ստացված գումարով նրանք ևս 8 սարք են տեղադրել տարբեր վայրերում: Որոշ ժամանակ անց վաճառելով սարքերը՝ Բաֆեթը կարողացել է բաժնետոմսեր գնել և սեփական փոքր բիզնեսը վարել:

 2. Տարբերվելու ցանկություն

Պետք չէ որոշումներ կայացնել մարդկանց ասածների կամ արածների հիման վրա:

3. Բանակցել գործն սկսելուց առաջ
Որևէ գործ սկսելուց առաջ պետք է բանակցել և մինչև վերջ քննարկել բոլոր կետերը մյուս կողմի հետ, այնուհետև կատարել առաջադրված աշխատանքը: Այս փորձը Բաֆեթը ձեռք է բերել դպրոցական հասակում, երբ իր պապն իրեն ու իր ընկերոջը վարձել էր հող փորելու համար: Ժամեր տևած աշխատանքից հետո պապը նրանց երկուսին միասին 90 ցենտ է վճարել:

4. Սահմանափակել պարտքի ծավալները
Բաֆեթը երբեք զգալի գումար պարտքով չի վերցրել՝ ոչ ներդնելու համար, ոչ էլ գրավի դիմաց:

5. Համառ լինել
Համառությամբ և հնարամտությամբ կարելի է շրջանցել մրցակիցներից շատերին: Դրա համար կարևոր են նաև բանակցային ունակությունները:

6. Գնահատել ռիսկերը
1995-ին, երբ Բաֆեթի որդին՝ Հոուին, Հետաքննությունների դաշնային բյուրոյի կողմից մեղադրվեց գների շահարկման մեջ, հայրը նրան առաջարկեց մտածել, թե ինչ կարող է ավելի վատ լինել, եթե նա մնա ընկերությունում: Հասկանալով հնարավոր վտանգները՝ նրա որդին հաջորդ օրը դուրս եկավ աշխատանքից: