Մարմնավաճառ Նաստյա Ռիբկան ու նրա սեքս մարզիչ Ալեքս Լեսլին մեղադրվում են բռնաբարությունների մեջ

Մարմնավաճառ Նաստյա Ռիբկան ու նրա սեքս մարզիչ Ալեքս Լեսլին թաիլանդական բանտում են գտնվում արդեն մեկ ամսից ավել: Նրանց ազատազրկել են երկրում ապօրինի սեքս մարզումներ իրականացնելու համար։ Սակայն նրանց գործում ավելացել է ևս երկու հոդված` «մարմնավաճառության կազմակերպում» և «բռնաբարություններ»:

Աղբյուրը հայտնել է, որ երկու մեղադրանքներով էլ ոստիկանությունում առկա են տուժողների հայտարարությունները:

Ավելին, Նաստյա Ռիբկայի և Ալեքս Լեսլիի արտաքսման հարցը անորոշ ժամանակով հետաձգվել է:

Հիշեցնենք, որ Նաստյա Ռիբկան ու սեքս մարզիչ Ալեքս Լեսլին Թաիլանդում բանտում են հայտնվել։ Նաստյան ու Ալեքսն այն տասը ռուսաստանցիներից են, որոնք ձերբակալվել են Թաիլանդում ապօրինի սեքս մարզումներ իրականացնելու համար։ Տեղի օրենսդրությունը նախատեսում է պատիժ այդ արարքի համար՝ մինչև երկու տարի ազատազրկման և/ կամ մինչև 100 հազար բատ (ավելի քան 3 հազար դոլար) տուգանքի ձևով։ Որպես կանոն, տեղի իշխանությունները սահմանափակվում են տուգանքով ու արտաքսումով, որը ենթադրում է Թաիլանդ մուտք գործելու ժամանակավոր արգելք։

Հետո թաիլանդական Պատայի քաղաքի ոստիկանությունը հրաժարվել է Նաստյա Ռիբկային ու նրա սեքս մարզիչ Ալեքս Լեսլիին ազատ արձակել գրավի դիմաց, իսկ աղջկա Instagram-ում հայտնվել են Նաստյայի ու նրա ընկերների հաղորդագրությունները, որտեղ Նաստյան պատմում է բանտի պայմանների մասին, քաղաքական ապաստան է պահանջում ԱՄՆ-ում, մեղադրում ԱԴԾ-ին ու սպառնում հրապարակել Թրամփի հետ ռուսական կապերը։