ԶԼՄ–ները հաղորդել են Կոնգոյում վրացական օդաչուի գերեվարման մասին
Վրացական ռազմական օդաչու Սոսո Օսիուրաուլիին գերի են վերցրել Կոնգոյի ապստամբները,- հաղորդում է «Ռուսթավի» հեռուստաալիքը՝ հղում անելով պահեստի գնդապետ Դավիթ Մակիշվիլիին, ով հիմա ծառայում է Ուկրաինայի ազգային գվարդիայում։
Զինվորականի խոսքերով՝ Օսիուրաուլիի ուղղաթիռը խփվել է Կոնգոյի Հանրապետությունում։ Նա նաեւ նշել է, որ օդաչուի ազատագրման համար ապստամբները 1 միլիոն դոլար փրկագին են պահանջում։
Ինչպես նշում է հեռուստաալիքը, ուղղաթիռը խփվել է հունվարի 27-ին։ Մակիշվիլին Վրաստանի իշխանությանը կոչ է արել աջակցել օդաչուի ազատագրմանը։
Վրաստանի պաշտպանության նախարարությունում հայտարարել են, որ չեն կարող մեկնաբանել իրավիճակը, պարզաբանելով, որ Օսիուրաուլին իրենց գերատեսչության կողմից չի ուղարկվել Կոնգո։
Վրաստանի ԱԳՆ–ն հաստատել է փաստը, որ Կոնգոյի տարածքում, հունվարին ուղղաթիռ է խփվել։ Արտաքին գործերի նախարարության հաղորդագրության մեջ նշվում է, որ Կոնգոյում չեն կարող հաստատել՝ արդյոք ուղղաթիռում եղել են Վրաստանի քաղաքացիներ եւ մասնավորապես՝ Սոսո Օսիուրաուլին, թե՝ ոչ։
Այն մասին, որ Կոնգոյում աղետի են ենթարկվել երկու ռազմական ուղղաթիռ, հունվարի 30-ին հաղորդել էր Reuters գործակալությունը՝ հղում անելով իշխանական ներկայացուցիչ Լամբերտ Մենդեին։ Նրա խոսքերով՝ պարզ չէ, թե ինչն է պատճառ հանդիսացել վթարի համար. երկու ինքնաթիռն էլ ընկել են Հյուսիսային Կիվու նահանգում՝ Ռուանդայի եւ Ուգանդայի հետ սահմանից ոչ հեռու։
Ըստ աղբյուրների հայտնած տեղեկությունների՝ ուղղաթիռները վթարի են ենթարկվել նախկին կոնգոլեզյան ապստամբ M23 խմբավորման զինյալների հետապնդման ժամանակ։ Ներքին գործերի նախարարությունում հրաժարվել են մեկնաբանել այս տեղեկատվությունը։
Մեռելոց օրերը կամրագրվեն օրենքով սահմանված տոների և հիշատակի օրերի ցանկում, իսկ ոչ աշխատանքային լինե...
Մահացել է ՀՀ վաստակավոր արտիստ Արտաշես Ալեքսանյանը
Կասեցվել է Վանաձորի գազալցակայաններից մեկի հեղուկ գազի վաճառքը
Ուկրաինան հարվածել է Ռուսաստանի վերջին խոշոր նավթավերամշակման գործարանին
Ինչո՞ւ է շոգին գլխացավն ավելի հաճախ լինում․ բժիշկը ներկայացնում է հիմնական պատճառներն ու խորհուրդներ...
Ռուբինյանը հայտարարել է, որ «Ուժեղ Հայաստան»-ը կօգտագործի մանդատները՝ փորձելով խուսափել արդարադատութ...
Ֆրանսիայի Լալիկ թանգարանից գողացել են 4 միլիոն եվրո արժողությամբ զարդեր. Le Parisien
«Ուժեղ Հայաստան»-ը կվերցնի մանդատները և կգնա Ազգային ժողով
Վ.Բրյուսովի անվան պետական համալսարանի ամբիոնի վարիչը մեղադրվում է հովանավորչության համար կաշառք ստան...
Վահան Հովհաննիսյանը ինքնաբացարկի դիմում է ներկայացրել ԿԸՀ և դուրս է գալիս «Ուժեղ Հայաստան» դաշինքի ց...