Եվրամիությունը դատապարտում է Սերգեյ Սկրիպալի թունավորումը և աջակցություն հայտնում Լոնդոնին

Եվրամիության արտգործնախարարները այսօր ընդունած համատեղ հայտարարությամբ դատապարտել են ռուսաստանցի նախկին հետախույզ, երկակի ագենտ Սերգեյ Սկրիպալի թունավորումը և աջակցություն հայտնել Բրիտանիային: ԵՄ անդամ 28 երկրների ԱԳ ղեկավարների հայտարարությունում նշված է, որ շատ լուրջ են ընդունում այդ հանցագործության համար Ռուսաստանի հավանական պատասխանատվության Լոնդոնի գնահատականը: «Եվրամիությունը անվերապահ համերաշխություն է հայտնում Բրիտանիային և աջակցություն հայտնում այդ հանցագործության մեղավորներին պատասխանատվության ենթարկելու Բրիտանիայի ջանքներին»,- նշված է այսօր Բրյուսելում ընդունված հայտարարությունում:

Մոսկվան հերքում է մեղադրանքները: Երեկ կայացած ընտրություններից հետո Ռուսաստանի վերընտրված նախագահ Վլադիմիր Պուտինը ասել է, որ Ռուսաստանը այդպիսի զենք չունի:

Մարտի 4-ին Բրիտանիայում թունավորվել են Ռուսաստանի ռազմական հետախուզության նախկին գնդապետ Սերգեյ Սկրիպալը և նրա դուստրը: Բրիտանիայի վարչապետ Թերեզա Մեյն ասել է, որ նրանց դեմ կիրառվել է ռուսական արտադրության «Նովիչոկ» կոչվող քիմիական ուժեղ նյութ: Սերգեյ Սկրիպալի և նրա դստեր առողջական վիճակը շարունակում է ծանր մնալ:

azatutyun.am

Այս թեմայով Մեծ Բրիտանիայի արտգործնախարար Բորիս Ջոնսոնը հրաժարական տվեց Թրամփը Մեյի եւ Մակրոնի հետ քննարկել է Սիրիայի դեմ հրթիռային հարձակումը Մեծ Բրիտանիան ռազմաբազա է բացել Մերձավոր Արեւելքում Մոսկվան առաջարկում է ևս 50-ով կրճատել Ռուսաստանում հավատարմագրված բրիտանացի դիվանագետների թիվը Ռուսաստանը Մեծ Բրիտանիայում քիմիական զենքի արտադրման նշաններ է հայտնաբերել