Նիդերլանդների համայնքային ընտրություններում 12 հայ թեկնածու պայքարում է ավագանու աթոռի համար
Նիդերլանդների 300-ից ավելի համայնքներում մարտի 21-ին անցկացվելու են տեղական ընտրություններ, որոնց մասնակցելու է 12 հայ թեկնածու:
«Հոլանդահայ կազմակերպությունների ֆեդերացիա»-ի նախագահ Մաթո Հախվերդյանի տեղեկացմամբ՝ տարբեր համայնքների ավագանու կազմում ընդգրկվելու համար իրենց թեկնածությունն են ներկայացրել նաև կին գործիչներ:
Նիդերլանդների 10 համայնքում՝ Ալկմար, Ալմելո, Ամերսֆորտ, Ամստելվեն, Ամստերդամ, Արնհեմ, Հաագա, Հոֆ վան Տվենտե, Մաստրիխտ, Էնկհաուզեն, ավագանու աթոռի համար պայքարում են Արմինե Ստեփանյանը, Արշակ Մազլումյանը, Գայանե Հոլդեր-Վարդանյանը, Մարիա Բալաստ-Թաթարյանը, Մերի վան Էֆերինկ-Շաբոյանը, Նշան Սարիջանը, Ռոբին Գելիչին, Սեպուհ Աբրահամյանը, Սևակ Գասպարյանը, Դալար Լազարյանը, Թալին Արեգյանը, Տավրոս Ասլանյանը:
«Բոլորն էլ ընտրվելու հնարավորություն ունեն, սակայն առավել շատ շանսեր ունեն Տավրոս Ասլանյանը, Ռոբին Գելիչին, ովքեր գործող ավագանիներ են, և Արշակ Մազլումյանը: Մնացած թեկնածուների մեջ էլ կան անձինք, ովքեր լավ դիրքերում են: Կուսակցության ձայներից է կախված, թե անցողիկ տեղերը որքան կլինեն, սակայն եթե ցանկի, ասենք, ներքևի հատվածում գտնվող թեկնածուն առանձին առավել շատ ձայներ է հավաքում, ապա նա կարող է առաջ անցնել»,-ասաց Մաթո Հախվերդյանը:
Նա նշեց, որ ակնկալում են տարբեր համայնքների ավագանու կազմում ունենալ 5-6 հայ ավագանի:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
ՀՀ ԱԺ արտահերթ նստաշրջան - 02.07.2026
Վենեսուելայի երկինքը կարմրել է երկրաշարժից հետո (տեսանյութ)
Ֆրանսիայում հրշեջները պայքարում են անտառային հրդեհների դեմ
Թուրքիան բարձրացրել է Բոսֆորով և Դարդանելով տարանցման արժեքը
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
ՆԳՆ քրեական ոստիկանները վնասազերծել են խոշոր չափերի համակարգչային հափշտակություններ իրականացնող խմբի
Հարավային Աֆրիկայում բողոքի ցույցեր են միգրանտների դեմ
Փողաբաժանությունը ինքնաբուխ չի․ դա համակարգված, վերևից ներքև իջնող մեխանիզմ է
Կասեցվել է «Օքսիջեն»-ի հացի թխման արտադրամասի գործունեությունը