Վրատանի նախագահը պատասխանել է Լավրովի հայտարարությանը

Վրաստանն ապացուցել է, որ տարանցիկ միջանցք չէ թմրավաճառների եւ ահաբեկիչների համար։ Այս մասին ասել է Վրաստանի նախագահ Գեորգի Մարգվելաշվիլին՝մեկնաբանելով ՌԴ ԱԳՆ ղեկավար Սերգեյ Լավրովի հայտարարությունը։

Լավրովը Թբիլիսիի եւ Մոսկվայի միջեւ դիվանագիտական հարաբերությունների վերականգնումը եւ Մոսկվայի հետ վիզաների չեղարկումը կապել է տարածաշրջանում անվտանգության խնդրի հետ։ Լավրովի կարծիքով՝ «Անդրկովկասը դառնում է երթուղի, որը փորձում են օգտագործել գրոհայիններն ու ծայրահեղականները»։

«Վրաստանը չի օգտագործվում թմրավաճառության կամ զենք վաճառելու նպատակով։ Ահաբեկչության դեմ պայքարի տեսանկյունից մեր իրավապահ մարմիններն ակտիվորեն աշխատում են, որ Վրաստանը համարավետ չլինի ոչ մի ահաբեկչական ցանցի կամ անհատի համար», — «Ռուսթավի 2» հեռուստաընկերության եթերում հայտարարել է Մարգվելաշվիլին։

Նախագահը նշել է, որ Վրաստանը միջազգային կոալիցիայի անդամ է, որը ահաբեկչության դեմ պայքարում է ոչ թե քաղաքական հայտարարություններով, այլ իրական գործողություններով։ Ըստ Մարգվելաշվիլու՝ բացի այդ ներկայումս Վրաստանը համապատասխանում է եվրոպական վիզայի ամենաբարձր պահանջներին, այդ թվում՝ փստաթղթերի եւ սահմանների վերահսկողության հարցում։

news.am

Այս թեմայով Լավրով․ Մակրոնին չի հաջողվի խուսափել Մինսկյան համաձայնագրերի վերաբերյալ պատասխանատվությունից Լավրովը կոչ է արել չափազանց չոգևորվել Եվրոպայի և Զելենսկիի վրա Թրամփի ճնշումներից ՌԴ դիրքերը համաշխարհային միջուկային էներգետիկայի շուկայում մարտահրավեր են ամերիկացիների համար. Լավրով ՌԴ-ն Եվրասիական տարածքում անվտանգության ճարտարապետություն է ստեղծում. Լավրով Կլինի լիարժեք ռազմական պատասխան՝ մեր ձեռքի տակ եղած բոլոր միջոցներով