ԱՄՆ եւ ԿԺԴՀ նախագահների հնարավոր հանդիպումը շատ օգտակար կլինի ամբողջ աշխարհի համար. Մակրոն

ԱՄՆ նախագահ Դոնալդ Թրամփի եւ ԿԺԴՀ ղեկավար Կիմ Չեն Ընի անձնական հանդիպումը, որի հնարավորությունը այժմ մշակվում է կողմերի կողմից, շատ օգտակար կլինի ամբողջ աշխարհի համար: Այս մասին, հաղորդում է ՏԱՍՍ-ը՝ հղում անելով BFM հեռուստաալիքին, ասել է Ֆրանսիայի նախագահ Էմանուել Մակրոնը՝ Հնդկաստան կատարած այցի ժամանակ:

«Շատ օգտակար է, որ ԱՄՆ նախագահը կհանդիպի Կիմ Չեն Ընի հետ, ես ուրախ եմ, որ այսօր այդ երկխոսութունը կվերականգնվի », - ասել է Մակրոնը:

Միաժամանակ, Մակրոնն ընդգծել է, որ Փարիզն իր հերթին անում է հնարավոր ամեն ինչ` Կորեական թերակղզում լարվածության նվազման համար: «Ֆրանսիան կշարունակի ջանքեր գործադրել Հյուսիսային Կորեայի խնդրի շուրջ երկխոսությունը վերսկսելու եւ լարվածությունը նվազեցնելու համար», - ասել է հանրապետության նախագահը:

Ավելի վաղ, Ճապոնիայի պաշտպանության նախարար Իցունորի Օնոդերան հայտարարել էր, որ ԿԺԴՀ-ի վրա ճնշումը պետք է ամրապնդվի, քանի դեռ չեն ձեռնարկվել միջուկային ծրագրի զարգացումից հրաժարվելու իրական քայլեր:

«Մինչեւ ԿԺԴՀ-ի հետ լուրջ երկխոսությունը չսկսվի նրա ապամիջուկայնացման նախնական պայմաններով, անհրաժեշտ է տարբեր միջոցներով ճնշումը առավելագույն մակարդակին հասցնել», - ասել է նա:

news.am

Այս թեմայով Մակրոնը հիշեցրել է Թրամփի չիրականացված խոստումը՝ Ուկրաինայում պատերшզմը 24 ժամվա ընթացքում դադարեցնելու մասին Մակրոնը Պաղեստինի ճանաչումը համարել է մարտերը դադարեցնելու միակ միջոցը The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Մակրոնը հայտարարել է, որ արգելելու է սոցցանցերը 15 տարեկանից փոքր երեխաների համար Մենք վիճում էինք, ավելի ճիշտ՝ պարզապես կատակով չարաճճիություն էինք անում կնոջս հետ. Մակրոն