NBC. Թրամփի իրավաբանը գրել է կորպորատիվ փոստից՝ փորձելով կոծկել նախկին պոռնոդերասանուհու հետ սկանդալը

ԱՄՆ նախագահ Դոնալդ Թրամփի իրավախորհրդատու Մայքլ Քոհենը նախկին պոռնոդերասանուհի եւ մերկապարուհի Ստեֆանի Քլիֆորդի հետ գումարների փոխանցման մասին նամակագրությունը կատարել է Trump Organization կերության կորպորատիվ էլեկտրոնային փոստից, հաղորդում NBC հեռուստաալիքը:

Նա նշում է, որ իրավախորհրդատուն 130 հազար դոլար է վճարել Քլիֆորդին, որպեսզի նա թաքցնի Թրամփի հետ իր ինտիմ հանդիպման մասին փաստը: Քոհենը նշել է, որ նա գործել է սեփական նախաձեռնությամբ եւ Թրամփը եւ Trump Organization-ը գործարքի հետ որեւէ կապ չեն ունեցել:

Առաջին անգամ 130 հազար դոլարի մասին հունվարի վերջին գրել էր Wall Street Journal-ը: Ըստ հրապարակման՝ Քոհենը այդ գումարը Քլիֆորդին վճարել է 2016 թվականին՝ ԱՄՆ ընտրություններից առաջ: Թերթը ուշադրություն է դարձրել այն փաստի վրա, որ դա արտամուսնական կապ է եղել, քանի որ Թրամփի եւ Մելանյայի հարսանիքը կայացել է 2005-ին:

Երեքշաբթի Քլիֆորդը հայց էր ներկայացրել՝ պահանջելով անվավեր ճանաչել համաձայանգիրը, որը պարտավորեցնում է իրեն գաղտնի պահել Թրամփի հետ ինտիմ կապը: Նա հաստատել է, որ լռելու համար նա Քոհենից գումար է ստացել:

news.am

Այս թեմայով Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal Թրամփն անարդար է համարում պահանջը, որ Իրանը բալիստիկ հրթիռներ չունենա Թրամփը փակ ճեպազրույց կանցկացնի հետախուզության հետ Թրամփը Մակրոնի հետ ընթրիքի ժամանակ ստորագրել է ԱՄՆ-ի և Իրանի միջև հուշագիրը Թրամփը հայտարարել է, որ ԱՄՆ-ն Իրանին 300 մլն դոլար չի վճարի