Քալիֆորնիայում հայ ոստիկանի են ձերբակալել զենքի ապօրինի վաճառքի համար
Քալիֆորնիայի Փասադենա քաղաքում ոստիկանության հայ լեյտենանտ է ձերբակալվել, որը մեղադրվում է ավելի քան 100 միավոր հրազեն ապօրինի վաճառելու մեջ։
CBS LA հեռուստաալիքի փոխանցմամբ, 48-ամյա Վազգեն Գուրդիկյանը ինքնակամ ներկայացել է դաշնային իրավապահներին, երբ նրա դեմ քրեական գործ է հարուցվել 2014-2017 թվականներին 107 միավոր հրազենի վաճառքի համար։ շԳուրդիկյանը նաեւ տեղեկանքներ է կեղծել զենք ձեռքբերելու համար։ Դատախազության տվյալներով, նա զենքի խանութներին հայտնել է, թե գնում է իր համար, մինչդեռ հրազենները փոխանցել է այլ անձանց։
Դատարանում Գուրդիկյանն իրեն մեղավոր չի ճանաչել եւ ազատ է արձակվել 100 հազար դոլար գրավի դիմաց։
Փասադենայի ոստիկանության խոսնակ Լիզա Տերտերյանի փոխանցմամբ, Գուրդիկյանը հարկադիր արձակուրդի է ուղարկվել դեռ փետրվարի 16-ին։ Գուրդիկյանը հրազենը վաճառել է
Calguns կայքի միջոցով։ Դեռ անցած տարի հեռուստաալիքը տեսագրել էր Սիերա Մադրեում գտնվող նրա տունը, որտեղ 60 միավոր հրազեն էր եղել։
Գուրդիկյանը փաստաբան Մայք Գերագոսը հայտնել է, թե իր պաշտպանյալը անմեղ է, իսկ նրա դեմ մեղադրանքները պետք է հանվեն։ Գուրդիկյանի դեմ դատաքննությունը մեկնարկելու է ապրիլի 24-ին։ Նրան սպառնում է մինչեւ 35 տարվա ազատազրկում։
ՀՀ ԱԺ արտահերթ նստաշրջան - 02.07.2026
Վենեսուելայի երկինքը կարմրել է երկրաշարժից հետո (տեսանյութ)
Առաջին դասարանցիների առցանց ընդունելությունը՝ նոր կանոններ, նոր մարտահրավերներ
Կասեցվել է «Օքսիջեն»-ի հացի թխման արտադրամասի գործունեությունը
ՆԳՆ քրեական ոստիկանները վնասազերծել են խոշոր չափերի համակարգչային հափշտակություններ իրականացնող խմբի
Ֆրանսիայում հրշեջները պայքարում են անտառային հրդեհների դեմ
Թուրքիան բարձրացրել է Բոսֆորով և Դարդանելով տարանցման արժեքը
Ռուսաստանը զանգվածային հարվածներ է հասցրել Կիևին․ բազմաթիվ զոհեր, վիրավորներ և անհետ կորածներ կան
Հարավային Աֆրիկայում բողոքի ցույցեր են միգրանտների դեմ
Փողաբաժանությունը ինքնաբուխ չի․ դա համակարգված, վերևից ներքև իջնող մեխանիզմ է