Ճապոնիան լուրջ մտահոգություն է հայտնել ԱՄՆ–ին՝ պողպատի մաքսատուրքեր մտցնելու առնչությամբ

Ճապոնիան լուրջ մտահոգություն է հայտնել ԱՄՆ–ին՝ պողպատի եւ ալյումինի ներմուծման համար մաքսատուրքեր մտցնելու առնչությամբ։ Այս մասին հաղորդում է ՏԱՍՍ-ը՝ վկայակոչելով Kyodo գործակալությանը:

Գործակալության տվյալներով՝ ներկայումս այցով Սինգապուրում գտնվող Ճապոնիայի էկոնոմիկայի, առեւտրի եւ արդյունաբերության նախարար Հիրոսիգե Սեկոն այս հարցը հեռախոսով քննարկել է ԱՄՆ առեւտրի նախարար Ուիլբուր Ռոսի հետ: «Ես նրան հայտնել եմ ճապոնական կողմի խորը մտահոգությունը»,–Սեկոյի խոսքերը մեջբերում է գործակալությունը:

Նշենք, որ ճապոնիան շուրջ 2 մլն տոննա պողպատ է արտահանում ԱՄՆ, որը Ճապոնիայի կողմից արտահանվող պողպատի շուրջ 5 տոկոսն է կազմում։

Ավելի վաղ՝ շաբաթ օրը ԱՄՆ-ի այդ պլանների առնչությամբ մտահոգություն էր հայտնել ճապոնական Երկաթի եւ պողպատի ընկերությունների ֆեդերացիան: Ֆեդերացիայի ղեկավար Կոսեյ Սինդոն հատուկ հայտարարության մեջ ընդգծել էր, որ Վաշինգթոնի նման ծրագրերը «խախտում են ազատ առեւտրի սկզբունքները» եւ հույս հայտնել, որ «ԱՄՆ նախագահ Դոնալդ Թրամփը արդյունքում կընդունի զգուշավոր եւ ճիշտ որոշում»:

Հիշեցնենք, որ ավելի վաղ ԱՄՆ նախագահ Դոնալդ Թրամփը հայտարարել էր ԱՄՆ-ի կողմից պողպատի եւ ալյումինի ներմուծման մաքսային սակագների կսահման պլանի մասին:

news.am

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Թրամփի վարչակազմը ծրագրում է ամեն օր ռազմական օդային ուժերով արտաքսել միգրանտներին. Թոմ Հոման